2010年11月4日星期四

個sales可能想打死我

家母一位久未聯絡的朋友,昨晚打電話來。我告訴家母長居內地,然後和我閒話家常起來。有時,我真係對冥冥之中呢樣嘢呢!...唔知點樣講到買鋼琴,原來家母朋友的二名已長大的女兒都有彈鋼琴,一個演奏級,一個八級,家中曾先後買過二部琴,一部歐洲琴,一部日本琴。她一聽我話買了部歐洲琴,即刻極力反對!她說香港潮濕天氣不適合用歐洲琴,鋼琴主要由木製成,日本樹木生長在海岸,所以較適合香港的海洋性氣候,而歐洲琴難抵香港的潮濕,一個不留神,鋼琴的木受潮變形,到時已不是多調幾次琴可解決的問題!
我一直都記得Hana給我的忠告,但因敵不過歐洲琴圓潤超班的音色而敗!從這可看出我是個很重感覺的人。

家母朋友繼續講,保養唔好,一部歐洲琴可以十年玩完!而保養工夫很難做到家,因為要長期keep在40-60的溼度,是談何容易呀!所以香港鋼琴二手市場,日本琴比歐洲琴更有市有價。

我清楚記得潮濕天時,家中牆滲水的慘況!!

再上網睇用家評論,原來又是一面到偏向買日本琴的。於是,我頭開始隱隱作痛!鋼琴還未送來,我思考了一天,終於都打出了更換的電話。始終還是KAWAI K-8 AS!我暈了,我可能係史上買琴最麻煩的人,人哋可能買樓都冇咁多思前想後!!

16 則留言:

Ebenezer 說...

最緊要個Sales屎肯俾妳換,其他野仲係其次!

笑談風月 說...

我見妳如此迷上WILH. STEINBERG IQ28,所以不便多說,KAWAI K-8 AS其實已足夠,音質不比WILH. STEINBERG IQ28差,潮濕問題的確是重點,幸好出現有牙力之人,提醒妳。

Coffee n Tea 說...

Eben︰

嘿嘿!肯換,今時今日的服務態度仲好客氣添,係我自己唔好意思咯!

Coffee n Tea 說...

風月︰

我呢個人有時總有啲呢D貴人運,偏偏就有個幾年冇聯絡的家母的朋友會打個電話來,仲要係有用琴經驗的,我不得不嘖嘖稱奇!

多謝你呀!雖然你冇講,我感覺得到架,睇你文咁耐,我知你脾性嘅!:)

Hana 說...

都話日本車好啦,原來一個演奏級牙力未够,兩個先夠數。嘿嘿:)

Coffee n Tea 說...

Hana︰

我之前入琴行前還緊記你所提供的寶貴意見,但現場一聽就敗了!:p 唉,好在未送琴,可以改。謝謝你呀!

ps︰加埋風月貓,可能有三個演奏級!:p

SKII 說...

又喺度學咗嘢! ^_^

卡臣 說...

必先利其器
加油

l.minor 說...

又啱喎!

同買車一樣,日本車比較易保養d,歐洲車用多幾年就多野整

其實買琴又唔係買菜,所以轉來轉去都好正常,咁貴,緊係搵個最啱啦!

嚴明 說...

意見來得合時,我妹也凖備買琴,那就買日本琴啦:)

Coffee n Tea 說...

SKII︰

用得著就好,日後你換琴時可作參考。

Coffee n Tea 說...

卡臣︰

謝謝你不斷為我加油!:)

Coffee n Tea 說...

minor︰

你的說話真窩心,令我心好過啲!:)

Coffee n Tea 說...

嚴明︰

真開心這次分享對你有啟示作用!:)

佛爺 說...

相機都係咁,歐洲相機,新買回來,用幾次,都會有事。日本相機,未試過有事。

Coffee n Tea 說...

佛爺︰

這一役,是我對歐洲貨與日本貨最深的一次認識!

Related Posts Plugin for WordPress, Blogger...