2011年7月21日星期四

削果皮

以前曾聽過一個說法,話女生對住塊鏡削個蘋果,而蘋果皮是要一刀削到尾,中間絕不能斷的,達正凌晨十二點時要剛好削完,然後抬頭望住塊鏡,女生便可在鏡子裏見到自己未來老公的樣子。男生亦一樣做法,不過男生不是削蘋果而是削梨,便可見到未來老婆的樣子。

講真,一代傳一代,所以我諗聽過這說法的人一定不少,但跟住做過的一定冇乜幾個。我自己就不信了,但就算不信亦不代表冇好奇心的,加上本人一貫對世界充滿好奇。我曾很想去證實這是個天大的謊言,於是練成了巧手削果皮,幾乎甚麼果到我手(即使馬蹄),都可將果皮一批批到尾。最難忘的一次,是幾個女同學約定在宿舍一起壯膽試下,但終於敵不過內心的恐懼,個個都臨陣退縮,嘿嘿!


不過,這凌晨十二點削果皮不敢試,有一樣倒是膽大包天地試過,嗰樣就係幾個女同學一起問仙喇。之不過當時負責扶住個甚麼東東兼傳話的同學,在事隔多年後告訴大家,她當時係扮有嘢扮傳話的,因為聽到別的同學堆有料到,不想我們的圈子被人睇小問唔到,所以作大咯!哈哈!

而今,這批蘋果皮、批梨皮等等的故事,成為了青澀年歲樂章裏的幾個音符,偶爾還會跳動下。

                                一個桃子皮


 

8 則留言:

卡臣 說...

我試過但無見到結果

Coffee 說...

卡臣︰
嘩!好大膽!你是我知的第一個話試過的,好嘢呀,卡臣!

阿貓 說...

哈哈!妳說的,初中跟同學玩過,乜都無呀!還有,只想告訴妳,皮可吃的水果,精華都在皮呀!

Coffee 說...

風月︰
哈哈!又一個玩過的!睇來我真係錯失最好奇的時候。
至於果皮,近一年真係不食了,因為果皮同時多化學肥料,或者其他毒素。

嚴明 說...

如果不信,為何不敢試? 這些迷信玩意,年少時真的聼不少,但從沒玩過,就是完全不信,覺得很低能.同學們很多都有玩,很多總是繪聲繪影的,我心裏的反應只是: 他們眼花:)

Coffee 說...

嚴明︰
我是相信科學的,但對一啲講得似層層的東西又有極大的好奇心。
到而家,當知道的東西越多時,反而接受了世界上有些東西不是科學能解釋清楚的。

Armadillo 說...

首先,生果要批皮就一定唔好搞我,實在太麻煩喇!而且,半夜三更照鏡見到另外一個人,真係唔嚇死先怪啦!至於銀仙碟仙之類,根本就唔應該玩。如果係冇嘅,只會浪費時間。如果有嘅仲大鑊,隨時會易請難送,跟足你一世!

Coffee 說...

Arm︰
如果真係見到,當然嚇得死人!

至於乜仙物仙,當時年少唔識驚,正所謂「當時只道是尋常」嘛!

Related Posts Plugin for WordPress, Blogger...