2011年7月3日星期日

行乞亦或行騙

應瑜和P之約,去了將軍澳某酒樓飲茶。幾個女人見面,吱吱喳喳,Update下各人近來的生活狀況,本來無甚值得寫的,但飲茶期間遇見了一件事。

我們飲茶中途,突然聽見隔離傳來問話︰人呢?哩枱嘅人呢?

附近左右全部應聲望去,只見類似部長的職員,站在一張未至於杯盤狼藉但冇人的「吉」枱邊,手持該是那張「吉」枱的點心咭,一臉嬲怒!

「人呢?走咗喇?食咗好多嘢喎!邊個見到呀?」

然後部長大聲問阿邊個、阿邊個,有冇見到哩一枱的人呀,有冇見到佢哋走呀?答案當然是冇啦,見到仲俾佢哋走咩。有少少躁亂的部長急步打了二個了無意義的白鴿轉,突然說道︰我記起喇!一家三口坐係哩度嘅,我有啲記起喇,有啲諗到個樣喇!說完,怒氣沖沖往酒樓門口方向行去。

這時,瑜開聲道,唔怪得佢做部長,嗰張枱的確坐了像一家三口的,一男一女還有個肥仔,該是讀小四、五的,真係叫咗好多嘢食。不過瑜稱沒有留意那枱人甚麼時候離開的。

之後我們將話題轉移到剛才發生的事上,大家都在狂鬧那對父母。我見P沒多吱聲似乎若有所思,問她諗緊乜嘢,P望著我們,如是問︰如果真是走投無路了,你們會帶仔女行乞,亦或帶仔女行騙?

瑜搶先答,梗係情願乞食都唔可以去做欺騙人的事啦!
......

10 則留言:

Armadillo 說...

香港根本唔會餓死人,因為有綜援,食物銀行等等。如果真係走投無路,搞到要食霸王飯,亦冇理由會揀高級酒樓。高級酒樓係我估架咋,你去得嘅,點都唔會太差啦,哈哈!呢對父母,真係,XXXXX!罪過罪過,斯文人係唔應該講粗口嘅!

路漫漫其修遠兮 說...

這樣食霸王飯的人因為始終不多, 所以酒樓才沒有警覺和設法防範, 這些人應該多是貪小便宜的心態, 不是窮得沒飯開, 到別人婚宴去吃免費餐也有呢, 不足為奇.

Coffee 說...

Arm︰
首先多謝你睇得我咁「高級」,其實我係極不講究食的人,一來唔識整,二來沒乜$$可出去享口福:p

細路哥白紙一張,唉!

Coffee 說...

路︰
你講得啱,係貪小便宜的,趁人哋忙走人數,最不值是教壞細路。

嚴明 說...

我第一時間想起,樓面職員是要賠錢的!真的很慘。Ok, 回應妳的題目。妳的問題充份證明妳是個老實人,加是個好人。一般情況,三個人不會同時離座,大概是母親帶孩子先走,母親會對孩子說,父親留後買單;)

Coffee 說...

嚴明︰
應該要賠的,因為嗰個部長好炆,後來佢親自來執拾嗰張枱,黑面兼重手。

至於你回應我的問題,睇來你都很善良,我當你讚緊我:)

他/她們先後離場,我們都有同樣的猜測。

佛爺 說...

我都試過,八個人坐了一張大檯,隔離坐了兩個地盤工人搭檯。食至中途,一位侍者突然問我們,那兩位去了那裡?跟著他叫了個部長來,兩個人談了幾句,氣憤到飛起。我們也沒有留意那兩個地盤工人何時走了。

Coffee 說...

佛爺︰
記得我初初出來做嘢時,有次部門阿姐請飲茶,食緊嘢時,阿姐自己率先發現唔知點解啲人開了二張咭,分別都印上了點心數,之後她只埋了其中一張咭的數,另一張有同事替她收起了。

平日那是位很能幹的上司,幫公司賺錢的老闆愛將,於是,「人是立體的」說法又浮現我腦海。

Ebenezer 說...

開始見人食霸王餐,睇嚟市況有轉勢跡象!

Coffee 說...

Eben︰
經濟學家對民生總是很敏感的。

Related Posts Plugin for WordPress, Blogger...