2011年7月16日星期六

雲語

昨晚九點多時剛一坐下著上電腦,睡魔就急召,我立馬換過睡衣倒頭便睡!雖然睡得很香甜,但無論幾享受,都未得真踏實,因為睡前未梳洗,特別是未清洗臉部,BB Cream留在臉上該很大傷害吧,哩樣真係博唔過。所以一覺睡到三點多醒來時,第一時間就想到「要洗面、要洗面」,於是起來梳洗沐浴,然後成個人醒晒。

我坐在書桌前,一邊睇眾人網誌、逛逛微博,一邊看著窗外的天邊何時吐白。天光時分,天上烏雲密佈,該下雨呢!待得略微光明時,我方用長鏡影下我早起所見之黎明。而相中所見到的海景,其實是離去很遠的一小角,拜長鏡所賜罷了。

望著天上動盪不安的雲,風雨欲來,我想起了︰

寵辱不驚,看庭前花開花落;
去留無意,任天上雲捲雲舒。



  

6 則留言:

Armadillo 說...

呢幾年我都係咁,瞓覺成日要分上下集。睇完十一點新聞就眼瞓到想死咁,但係瞓到半夜實會醒,跟著起身打幾粒鐘機再瞓過。聽講話老人家就係咁架喇,好驚呀!

佛爺 說...

我不會夜半起床的,就算睡不了,也只會在思索著而已!

Coffee 說...

Arm︰
難怪有時我見你好深夜留言,以為你你夜貓子。
至於睡覺分二part,各種年齡嘅人都有架,最緊要唔影響生活。不過又估唔到你會打幾粒鐘機:p

Coffee 說...

佛爺︰
間中瞓唔好大部分人都會留在牀上輾轉反側算了,其實呢個係結果,初初醒來時以為好快可以瞓返,原來輾轉到天明。

Armadillo 說...

眼光光等天光真係好辛苦架!中場起身打機其實都唔錯,又唔會影響到別人。有老人家半夜醒咗,就起身執屋吸塵拖地,樓下真係多得佢唔少!

Coffee 說...

Arm︰
睇來我要努力保持住我而家一覺瞓天光的慣性,太幸福喇!

我屋企樓上間唔中晚12點多會傳來聲響,唔知係唔係執屋呢!

Related Posts Plugin for WordPress, Blogger...