2011年7月19日星期二

放假的日子

五月初媽媽回港時,我提出暑假一齊去旅行,但媽媽以太熱怕熱為由,任我好說歹說,不願去,於是外遊計劃擱置。這二年來,不知為何我完全對外遊失去興趣。

幫R搵的補習老師今日上門試堂,這位準港大生給我的第一印象是有禮貌,聰明,反應快,觀言察色,溝通能力強。試完堂我問R,補習哥哥是否能清楚講解那些不明白的地方,R稱能。於是,決定請佢一星期上門一次替R補下數。

安妥當好家中事務,我想去髮型屋整下自己把長髮,散亂得連自己都不忍睹了,總之是難看得很。瑜叫我去試下幫佢剪開髮的髮型師,但我計一計時間,我不是單剪髮,電髮或直髮都起碼好幾小時,今日時間太趕,都係改日罷。

無無聊聊,索性打去MB約做二PART通淋巴。提早二十分鐘去到,先入蒸氣房坐了十幾分鐘,熱到受不了時,滿身滴水咁走出來。MB做人手通淋巴的叫減肥師,今日去的這間MB的減肥師第一次幫我,唔知係咪平日人客少,生意唔多的關係,哩位減肥師一上手幫我推雙腿淋巴,即話,嘩,你嘅皮膚好白又滑!我支吾二聲,稱可能剛去完蒸氣房吧。但其實我心想,唔係呀!看來生意好麻麻喎,我嘅皮膚有幾白啫!

由MB出來時將近六點,我記起要買瑜珈墊,於是去買了然後回家。


 

4 則留言:

嚴明 說...

去南半球就不熱啦;)

佛爺 說...

可以去紐西蘭睇下果隻快樂大腳板!

Coffee 說...

嚴明︰
我媽長年骨痛,是以邊度都唔想去。

我就由R幼稚園起每年暑假都帶他外遊,甚至一個暑假去二個地方,就算我自己不想出門都去,因抱持增廣其見聞的意思,但後來我發現不是這樣的。
所以有些意興闌珊了!

加上旅遊是一項很大的開支,對於我這些收入不高的人,自然希望用得其所了。

Coffee 說...

佛爺︰
明年罷,如果明年R說很想去旅行,便去。

Related Posts Plugin for WordPress, Blogger...