2011年7月5日星期二

落機幫手推飛機

我個人笑點比較低,今日哩件事又讓我大笑一餐。

今日用完午膳,有同事提出搭的士回去。的士司機開緊收音機,正在報導話北京某商場向上行的電梯突然向下,令很多人跌倒,有人受傷。於是,的士司機說,電梯出事,小事啦!大陸啲嘢,預咗架啦!想當年,我去北京旅行,上飛機坐下來等起飛,突然開咪通知大家落返去幫手推飛機。

( 吓?推飛機? 點推飛機呀? )

的士司機繼續道,我廿幾歲時 ( 我即刻望下佢,應該五、六十歲掛 ),去北京旅行,諗住搭飛機好威吖,點知佢哋嘅飛機唔夠力,坐嘅人又多,所以咪飛唔起咯!叫我哋落去幫手推,一路跑一路推,推到佢飛得起喇,就嗱嗱聲跑返上架飛機,排係尾跑唔切上返機嘅,就改搭下一架機,再推過,嗰時架架都係咁嘅。

( 死得!我坐係的士度笑到不行,推車助起動我就知,原來飛機都要借助人力推動助起飛,講緊係民航機喎,要乘客幫手推,真係推起咗都唔夠膽坐啦!下嘩!騎虎難下,騎虎難下!)

 

12 則留言:

路漫漫其修遠兮 說...

我記得看過一篇推飛機的文章, 好像是什麼特殊原因, 而且是在外國, 那司機說"嗰時架架都係咁嘅"就不信, 哪有人敢坐.

Coffee 說...

路︰
聽故事唔準駁故:)
哈哈...

佛爺 說...

咖啡:

我諗個的士司機有妄想症,將荒謬的事講到似層層,當聽者是白痴!

Coffee 說...

好你個老佛爺呀!作死呀!轉個彎來窒我!

不過唔緊要,我話晒都賺咗餐笑!:)

佛爺 說...

咖啡:

哼!咁我都唔爭在講埋果句喇,呢D野,無知婦孺至會信架!嘻嘻!

Coffee 說...

你才無知婦孺哩!你比無知婦孺更無知婦孺咯!哈哈!

嚴明 說...

哈,第一次聼. 那年代,用的都是螺旋槳機,沒有電子發動裝置,要人工推動,很普遍。但要勞煩乘客,更要追飛機,這就有點過份了。或者,司機以前是當兵的;)

Coffee 說...

嚴明︰
嗰個司機該是六十多歲的人,聽他語氣又不像講大話。
點都好啦,我一想像要乘客幫手推飛機、追飛機,我就想笑!哈哈...

Armadillo 說...

哈哈,唔係啩!其實我都唔多信,如果推郁咗架飛機,乘客根本就唔會有機會上番去,因為幢梯冇可能仲黐住架飛機!

Coffee 說...

Arm:
我就偏向信多啲,可能凡事都有不是我們所認知的一面呢。

Ebenezer 說...

哈哈,妳都幾易氹過喎^^

Coffee 說...

Eben︰
當時架的士又唔係得我一個,我哋五個人坐係度架喎。

Related Posts Plugin for WordPress, Blogger...