2011年10月17日星期一

有些惶恐

有朋友說被電話公司追債,害得幾乎思覺失調,惶恐不可終日,所有沒有來電顯示的電話都不敢接聽。好吧,我承認是我自己,當然,說思覺失調暫時是有點兒誇張。

事情是這樣的,我在今年六月轉了台,但手機一直沒有收到月結費用信息,我以為是因電話公司是預繳形式收費,即我在轉台前一月已預交了台費,而我又冇用超額,所以咪沒有費用要繳交咯,當時還有少少慶幸沒有麻煩手尾。一直相安無事,直到八月,一個烏雲滿佈的星期六,我收到第一個追債電話。我本著一個好市民應有的良好合作態度,即刻致電舊電話公司了解。女職員查看月結戶口,在電話轉告給我,資料顯示我在轉台前那個月用了幾百元的流動數據服務。聽了那答覆我當堂呆咗,要知道,我雖然偶爾會感覺 Shopping ,但對使用流動電話數據,却是非常精打細算的,我是絕不捨得每個月花三百多元作電話月費的人,所以我之前在舊電訊公司,用的是那公司提供的一種上網軟件,只要由這軟件登入,任上網,當然前提是上得到的話,而費用是每月俾幾十元便可以,再加上電話分鐘費用,每月大約九十多元。如此這般,這計劃我用了一年,每個月都是交差不多一百元的費用。

女職員解釋一輪,當中大部分是科學數據名詞,別說我聽不明,就算看官你們也未必聽得明。我說我聽唔明你講嗰堆詞彙,但我好奇怪的是,用這個計劃一年,我之前個個月都沒有超出過,且我好清楚依你們公司提供的軟件登入,是無限上網的,所以當時我電話只 Set 了你們公司的上網登入方式,為何而家我轉台了,就在最後一個月用多了幾百元?於是我要求看賬單,轉了台的舊客不能再登入戶口直接看了,叫她寄來,才發覺,我用舊電訊公司好多年了,所登記的是舊地址。於是,良民如我的叫她寄嚟新地址,我正準備口頭告訴女職員地址,但她說公司政策,不可口頭更改地址,我試圖說服她,但遊說一輪終無功而退,我再說不如特別處理啦,將我要求的賬單放在某分舖,我自己去取,但都是不可以。最後,我說不是我不願交,你哋既行政咁死板,要睇張賬單都咁難,然後留下對方姓名,收線了。


 

12 則留言:

Armadillo 說...

首先當然係要攞到張帳單,睇番實際用量,然後再作打算。如果發現問題,可以去消委會或者壹仔投訴。話時話,而家啲電話真係好多數據陷阱,好彩我仲係用緊二豬電話,唔會有呢啲煩惱。

Hana 說...

记得所有交涉都要錄音或話畀佢聽錄咗音。

SKII 說...

即係之後佢重有冇再打嚟?我試過類似情形,涉及金額並不大,但原來佢哋每個月不斷咁收我錢,攪咗好耐才弄清楚係乜野同埋 refund 比我,但花咗我唔少時間至拿到張賬單!

Coffee 說...

Arm︰
我朋友話就算俾我拎到賬單都冇用,數據的嘢只有佢哋講,加上數據咁複雜,張單多數剩係簡單列著流動數據幾多,佢話你有你就有咯!

Coffee 說...

Hana︰
係喎,多謝你提醒!

Coffee 說...

SK︰
就係有呀,上星期又打嚟,仲有排煩!

我以前試過唔記得乜了,收我唔多清楚的二百多元,本來一直唔交,後來有人打嚟追,我怕煩,交了:(

卡臣 說...

祝妳早日搞掂佢

嚴明 說...

又是數據惹的禍。妳說的對,就算有賬單,都只是一個用量數,無法追查。我懷疑,是他們知道妳轉台,就馬上取消了那甚麽軟件的無限上綱,如果真的是這樣,大概可以經消委會理論。一般他們會息事寧人,但妳必須要有時間. Well, 妳玩失蹤,也可以,他們大概不會告妳,可能一年後會bad debt ;)

五珍 (Jan Ng) 說...

一般的電話費不會等這麼久才寄出來,所以有些日子要自己mark住先得。

Coffee 說...

卡臣︰
希望啦!

Coffee 說...

嚴明︰
你講啱咗,後嚟佢哋話,因為數據服務不是預繳,所以我轉台前一個月就是實用幾多收幾多!這正是我不明白的地方,why?我 joined 咗個幾十元的 plan 架,點解我轉台前一月用唔返個 plan !

Coffee 說...

五珍︰
我選擇以信息收月結費用的,不用寄單,但我一直沒有收到最後那個月的月費信息。

Related Posts Plugin for WordPress, Blogger...