2011年10月9日星期日

我擅炒飯

不擅廚藝,但自問不是蠢拙之人,所以有時我想到,如果我用心機去學,該是可以的。

當然即使整體廚藝不濟,我亦有一、二樣耍家的手勢,其中蛋炒飯可居其一。我覺得要炒好一碟飯,最重要的在飯底而非配料,例如假如當日有剩飯,但飯底軟身,這樣的話,即使放入雪櫃雪過都是無濟於事,用再好的配料也是徒然的,炒出來的飯不會有那種一粒粒炒飯口感的金香味;如果是新煮一煲飯出來炒,下米水一定要偏少,煮出乾身的飯粒才好炒。還有一樣很重要的,熱或微暖飯均不宜炒,冷飯才是炒作的好材料,所以不論新飯舊飯,入過雪櫃才是王道。



( 這本來是我炒嚟做明日便當的,但被外出吃過晚飯剛回來的R掃清光了。)

 

18 則留言:

laulong 說...

細個時窮,阿媽有時油鹽抄飯,唉,叉燒都無!

路漫漫其修遠兮 說...

貌似很好味. 炒飯我也行, 除了蛋, 最喜歡就是配以青豆粒、粟米粒、甘筍粒和蔥花, 炒出來色彩豐富. 不過現在改用電磁爐後, 沒辦法炒出好飯來了. 炒飯要做得好, 一定要用明火煮食爐.

Coffee 說...

校長︰
我細個時同週圍一般窮,但我不喜歡食肉,反而鍾意食豉油撈飯,媽媽成日勞氣我唔肯食嘢:P

Coffee 說...

阿路︰
我都好鍾意落蔥花,不過今晚沒有蔥花了。

我鍾意用最傳統又便宜的生鐡鍋。

SKII 說...

哈哈,你不擅廚藝都炒得咁好,勁!

Coffee 說...

總有一、二樣嘛,嘻嘻!

熱血宅男 說...

個賣相得wor~~~~

Coffee 說...

食落都幾得,嘿嘿!

Armadillo 說...

雖然張相比較細,都睇得出啲飯炒得夠乾身同夠鑊氣,應該好好食喎!不過如果可以加啲綠色,例如芥蘭粒或者蘆筍粒,就更係錦上添花嘞!

Coffee 說...

當然啦!我真係叻炒飯架,不過其實呢次遠未到我嘅要求。當時我見雪櫃有少少剩飯,又想第二日帶lunch box,咪用僅有的材料炒咁咯。
btw,芥蘭是我很喜歡用的配料,if有的話。

佛爺 說...

好似乜乜香米廣告咁!嘻嘻!

五珍 (Jan Ng) 說...

是的,軟飯是很難炒的,容易黏在一起。

Coffee 說...

佛爺︰
呢個係泰國金鳳,噢,賣一次廣告啦!

Coffee 說...

五珍︰
新鮮軟飯我鍾意:)

卡臣 說...

得閒炒飯:是一套戲名

Coffee 說...

我對片名有少少印象,不過全想不起了。

熱血宅男 說...

攪到我好想試,放上yahoo 比人bid...

我bid黎食

Coffee 說...

宅男︰
哈哈,你好有幽默感!

Related Posts Plugin for WordPress, Blogger...