2011年6月24日星期五

減肥

唔使問,我都知自己一定有瘦咗,鬼咩!啲胸圍除咗要扣入一格,連杯位都有少少離。細咗咪細咗咯,都預咗架啦,但要重新買過啲胸圍哩樣乞人憎吖嘛!衫褲鬆啲緊啲可自我適應,但胸圍哩家嘢,真係要合身才行哩!

昨天同事ming少煞有介事向我推介佢嘅減肥修身法,他十日減了十磅有多,我邊聽邊悟出了一個道理,就係減肥修身飲食方法相對較可隨心隨意,找到合適又方便自己的飲食方法,進行起來較舒服,自然容易堅持下去,但如果要我像他一樣食菜食白烚雞肉,就一定行唔通了,因為我會因此而覺得人生好灰咯。不過,有一樣永恆不變的,且一定要擺在第一位的,就係心志!

我的體重仍然在119磅,而理想的磅數依然是115磅甚至更少,但我放慢了腳步,放慢時亦即心志冇咁強了,其實哩個階段都幾危險下架,一鬆懈分分鐘隨即反彈上位,那麼之前的努力就前功盡棄了。

 

 

10 則留言:

Ebenezer 說...

唉!我已經鬆懈咗好耐lu >_<

嚴明 說...

Keep fit, 如果不從飲食着手,必定不能持久。因爲新陳代謝會隨着年齡減慢,不改變飲食習慣,單靠運動,很快就變成白做(當然,也要看妳做的運動有多強). 不過妳提到胸圍下降,我好像沒想過, 因爲我不是女人:P 買褲子我也嫌煩,何況買胸圍,要把衣服脫光,超級沒安全感!

Coffee 說...

Eben︰
都唔知你肥定瘦型,因為有些人食極都唔見點肥,可長期鬆懈。

Coffee 說...

嚴明︰
從飲食著手,一定事半功倍,我在食嘢上開始有少少心得,再有適量運動更加好。

自然全身都會瘦啲架啦,你講的冇安全感極是,加上又麻煩!

Lazy Ssssssssss 說...

我都好努力減 不過就點都唔係咁work 我估係因為我個代謝太慢 :(

Coffee 說...

LS︰
歡迎!

首先係心志,你要有堅定嘅意志,意志決定行為,你才可食少啲。我自己體會係初初食少啲時效果不明顯,可能那時是在消耗身體之前儲下的過多的能量,堅持一段時間後就開始見效了,再加上適度的帶氧運動,效果不錯。

切記食少啲,甚麼都好,盡量不要讓自己有飽的感覺!

l.minor 說...

重差四磅,頂著呀~

韻味熊貓 說...

十日減輕十磅,醫生會以為有隱疾!嘻嘻!

Coffee 說...

minor︰
減四磅係差四磅,增四磅亦係差四磅,我要減四磅!

Coffee 說...

佛爺︰
那是個二十多歲的健康運動型小伙子,應該代謝能力超好!

Related Posts Plugin for WordPress, Blogger...