2011年6月16日星期四

胡言

昨天試約屋企附近的MB有木有Body位,竟然七點半起有二 Part,一於去。

幫我按Body的是一位泰國女人,在開始時問過我受唔受得力,我話一般般,不過我叫佢可試下大力小小,因為我痛,我想借力打力,用痛消痛。之後,泰國女人沒有撩我傾計,所謂傾計是殊途同歸的,最終都是想人客買產品,所以我樂得耳根清靜,好好休息一番。

九十分鐘過了一半時,泰國女人好似識摸肉(我只聽過摸骨)一樣︰

你嘅肉好靚!

我嚇了一跳︰吓!我好唔結實喎,而家減緊肥,瘦啲可能會好啲。

泰國女人︰唔係講哩樣,我講你嘅肉好綿,摸落去又滑,係天生架,我哋日日幫唔同嘅客人按,一上手就知,你哩種肉唔係辛苦命。

我︰......(冇嘢講,心諗MB唔使俾Tips架喎,定係想我下次搵返佢呀?)

泰國女人︰我仲未睇你嘅手。

然後泰國女人捉起我的左手。

泰國女人︰嘩!你唔使應我了,我講得啱唔啱,你自己知。

我仍然沉默。

之後泰國女人幫我按腿時,又來

泰國女人︰你有跑步架?

我︰係呀!以前跑過二、三年,之後停咗,而家又開始跑過。

泰國女人︰唔好跑啦,走下得喇,你二腳的肉唔同咗喇。

..............

泰國女人當然是亂作一通啦,我辛苦唔通話過你知咩!

   

10 則留言:

Ebenezer 說...

妳地全程用泰文交流?

Coffee 說...

中文!笑死:)

卡臣 說...

keep住跑啦~~

Coffee 說...

當然啦,我未至於咁低B。

匿名 說...

越跑越靚先真,keep going....run run run....s

Coffee 說...

Su︰
記得以前我試過一氣跑了差不多三粒鐘,感覺全身每個細胞都很有生命力。

佛爺 說...

唔洗做野既人,手背係無肉既。無運動,邊有肌肉?

匿名 說...

一氣跑了差不多三粒鐘....勁!! ....s

Coffee 說...

佛爺︰
泰國女人果啲我都識,有很多東西是放之四海而皆準的。

Coffee 說...

Su︰
你跑過馬拉松,你勁啲!

Related Posts Plugin for WordPress, Blogger...