2011年6月13日星期一

數據

由Blogger統計資料所顯示,近一星期以來,無糖咖啡的瀏覽量以倍數增加。即以往每日平均150人次的瀏覽 (不包括自己的登入),增加到300多人次,甚至400多人次的瀏覽量!真是不可思議極了,想一想,我覺得是Blogger的統計資料方式改變所得,因為無糖咖啡並非甚麼有趣的Blog,而本人的文字更是毫無功力可言,所以300多-400多的瀏覽量,至於麼!

#  #  #  #  #  #

值得一提的開心事,我的體重一連幾日保持在119磅,昨天午餐及晚餐食多了,所以一直很擔心體重反彈返120以上,不過昨晚和今朝上磅,仍保持在119磅,很替自己高興!

另外,我的運動方式有所改變了,上星期我開始改在屋內原地跑及做筋骨伸展,天氣熱,我將自己關在無開冷氣的房間內,邊用電腦睇網上劇集,邊做運動,做大約45分鐘,通常10多分鐘後開始出汗,感覺效用不錯,似乎比外出跑步時出的汗多些,不過始終不能大汗淋漓!

18 則留言:

佛爺 說...

我都係咁,我個博客,不可能會有太多人光顧,皆因艷色兼冗長文字,有乜可能每天會突然暴升至三百多,分明Blogger黐佐線。

Ebenezer 說...

妳都好健康喎,努力加油!!

匿名 說...

加油老友記........S

路漫漫其修遠兮 說...

放眼公園或是網上瀏覽, 女士們在做運動方面都比男士更自覺和勤力,怪不得女士平均壽命較男士長, 這應該是原因之一. 我有時也在室內做運動,這幾天那麼熱,動一兩下便出汗了,室內不開冷氣做運動妳也不易出汗,真佩服妳.

Coffee 說...

佛爺︰
我覺得艷色文字不該趕客啊!

Coffee 說...

Eben︰
將運動養成一種習慣,過程辛苦,但值得!

Coffee 說...

Su︰
你都係,唔好停!

Coffee 說...

路︰
剛剛才發覺你是誰:)

我太難出汗也不好,惟一好處係大熱天唔使驚一身汗味:p
我特別享受做筋骨伸展,好似伸懶腰時一樣好舒服。

SKII 說...

我也想努力建立好習慣,但最近工作好鬼忙,今日早咗放工,又掛住入來睇 blog! ^_^

largeheadboy 說...

我都發現我啲流量呢幾日升咗好多
研究咗一排
覺得應該係當有人去到某 blog 而你個 blog 又係喺某 blog 的 blog roll 當中,你嘅 page view 就當多咗一個~

卡臣 說...

妳咪謙啦
有人捧妳場架
包括我

Coffee 說...

SKII︰
睇來你平日工作時唔可抽空睇下BLOG :P

Coffee 說...

L.H.B︰
啊!聰明,我都覺得係統計方式的問題。

Coffee 說...

卡臣︰
謝謝你!謝謝大家!我而家覺得寫博就好似同大家傾計一樣。

SKII 說...

Coffee,其實是可以的,但一來好多時我唔喺自己個位,又或者被人捉住傾嘢。

Coffee 說...

充實的SKII :)

佛爺 說...

單一圖片最多人睇,其次是短文,艷情就長都有人睇!否則,越長越少人睇。仲要,寫心性的,無乜人問津!好多人有慾無靈的,這是現實呀!

Coffee 說...

佛爺︰
除咗你講的,有時係冇時間睇,短的自然容易睇得多。

>>好多人有慾無靈的

也對啊!

Related Posts Plugin for WordPress, Blogger...