2011年6月15日星期三

在思想游走多年的問題

昨晚又出去跑步了,中途見到二位看似未足二十的年輕女生在做拉筋運動。只見二人睡在輔助器材上,邊數著一、二,一、二,邊你起我落做著仰臥起坐,很合拍,加上身穿同色系的 T -Shirt 熱褲,煞是好看。經過時,我含笑向她們行注目禮,嗯,青春真好!

跑畢,我開始做筋骨伸展,週邊不少人在閒話家常,我對一些無意聽回來的對話失笑了。因著夜色的掩護,有些肆無忌憚地,讓閨中密語流溢。然後,我見到一對超肥的夫婦,這對超肥的夫婦又讓我想起和雪的一小段對話,雪初到美國時,見到好多大胖子,伴侶亦一樣超肥,她心生好奇,究竟二個咁肥的人如何做牀上做嗰樣嘢呢?我說人年紀越大會越來越肥,到好肥時可能已不需要啦!雪稱,她指那些青壯年大胖子喎。我當時嗄嗄笑個不停,並說,哦,我諗下,諗到時話你知。

當然諗不出個所以然啦!嗯,呢個問題又如魔咒一樣如影隨形,之後我一見到大胖子就諗起雪的好奇,其實已是我的好奇!

正在我胡思亂想之際,突然聽見一句字正腔圓的四字粗言,循聲望去,萬萬估不到,原來是適才所見到的那二位年輕女生所嗌出。人啊!到底要經過怎樣的試煉,才會視粗言是平常。

12 則留言:

路漫漫其修遠兮 說...

第一次聽見漂亮女士說粗話, 我也十分驚訝的, 有感而寫了一篇文章: http://epeace128.mysinablog.com/index.php?op=ViewArticle&articleId=244211

現在見怪不怪了.

Coffee 說...

路︰
去看了。

漂亮女生說粗話,是一種極大的反差,但如果不漂亮,又仲要說粗話,更嚇死人!

Ebenezer 說...

絕對同意!幾靚都係假,靚女爆粗真係會令人好唔開胃。

Coffee 說...

Eben︰
中國人的粗言,唔知點解專係問候別人女性親人!

best actor 說...

1) 過重男女房事的要訣﹐二字記之曰﹕體位。 :o)

2) 洋人的問候語也涉及對方母親﹐只是成為名詞﹕motherf***er﹐ 或加上ing 成形容詞。

有時候不常說粗言的人突然爆一句粗﹐不管男女﹐頗為有趣﹐有助增強語氣﹐擲地有聲。

小孩子滿嘴市井粗言﹐才最令人側目。 :ox

Coffee 說...

best actor︰

男女房事這家嘢,都有啲學問:p

不說粗話的人突然爆一句出來,特別在情侶間,的確很有趣味,不過也是只可偶一為之喇。

卡臣 說...

靚女食煙講粗口劈酒....證明男女平等?

Coffee 說...

卡臣︰
但係好多男人都唔係咁架喎,係個人問題。

佛爺 說...

我都被女生以四字真言問候過,但我無回禮。中文我唔講粗口既,但英文就不時都用粗口,感覺無咁核突卦!

Coffee 說...

佛爺︰
此禮何必回!

粗話除了罵人,在朋友中使用或者可當語氣助詞,就睇朋友是否接受了。

Armadillo 說...

靚女係人,豬肉佬又係人,冇理由豬肉佬可以講粗口而靚女唔得啫!我聽過最令人反感嘅粗口反而係出自兩個𡃁仔口中,佢地係兩兄弟,嗌交嘅時候最鍾意用嗰句四字真言互相問候!

Coffee 說...

Arm︰
我雖冇直接聽過,但都間接得知有個阿哥用呢四字真言鬧自己個妹 :p

粗話多數是聽的人受不了,以我為例,最受不了就係別人向自己講粗言,不過印象中好似未試過。

Related Posts Plugin for WordPress, Blogger...