2011年6月2日星期四

有難度動作

上星期身體總覺得攰,可能係之前被大雨淋透身的後遺症,少了出去運動。到昨天早上一起身,已覺不妥,幸好我當機立斷飲了感冒茶,又過了一關,今晚慢跑時明顯覺得步履輕鬆了。

由於多星期來慢跑完再拉筋,日子有功,啲筋骨鬆軟了不少。好似彎腰雙掌心壓地這動作,一開始只是指尖貼到地,到練到掌心壓到地時又維持不久,而今,是彎腰掌心貼地想多久便多久,還可壓在雙腳側邊的地上,且做得頗輕鬆,另單腳九十度壓腿又前又側又後,於是乎,我有些懶係叻咁!

嗯!今晚,我遇見高手了,人家那才值得認叻嘛!我做到的她全部做到,但她做到的我未做到咯!她可以單腳九十度架在欄上,然後彎腰雙掌心壓在地上!很是有些功架!我趁她行去跑步時,學做她的有難度動作,唉!完全未得,我會加油架喇,練到時會告訴大家。

8 則留言:

卡臣 說...

加油呀
妳做得到的

Ebenezer 說...

妳近來喜歡去晨運?

佛爺 說...

咖啡:

嘩!咁高難度動作,你見到的,可能是退役柔軟體操運動員喎!

Coffee 說...

卡臣︰
我都覺得自己做得到!

Coffee 說...

Eben︰
係晚運!拉下啲筋骨,好正嘅感覺!

Coffee 說...

佛爺︰
佢舉手投足間係有啲功架!唔理,我跟練!

匿名 說...

好配服妳天氣咁熱都KEEP到外出運動,之前涼D放左工都有去跑下...不過而家買完送,都唔願再樓落,妳那來既動力,賞教賞教????? S

Coffee 說...

Su︰
簡單!因為有個靚仔日日係度跑步:P

講笑完畢,正經︰
我最喜歡大熱天運動,因為我好難出汗嘛,熱啲才有汗出。相反天氣一凍,我多數縮埋。
仲有,啲筋骨拉鬆軟了,多二日唔郁都唔舒服,就好似伸懶腰一樣好正。

Related Posts Plugin for WordPress, Blogger...