2011年6月29日星期三

有味

下午的工作不多,四點時河粉請大家食榴槤雪糕。真沒騙你,這款榴槤雪糕特別滑身特別有榴槤味,我食第一啖時,已忍不住叫了出來︰嘩!好味到冇朋友!好幸福啊!

講開味道,河粉不知如何就說到男人味哩個話題上,說男人都有男人味,我同菜蜜不約而同地說︰臭味吖嘛!(好明顯我哋玩異性針對)

之後我將話題延伸至國際級水平(我有點能耐,是不是?),我這樣說︰印度男人身上啲味好勁,應該同佢哋成日食濃烈口味的食物有關,好似印度咖哩呀。

菜蜜接嘴講︰係咯!又成日搽埋佢哋啲咩嘢印度神油呀!

喔!靜晒!

我放慢速度問菜蜜,你講緊咩嘢呀?

菜蜜道︰印度神油吖嘛!啲印度男人(其實佢講阿差)搽到成身味嘅印度香水吖嘛!啲神油加埋佢哋啲體味,好印度男人(其實佢仍然講阿差)味咯!

哈哈...我同河粉終於爆笑!我邊笑邊說︰我知道嘅好似唔係印度香水喎。

然後我和河粉誰也不願向純情的菜蜜解釋,剩係一味笑,終於,菜蜜上網打了印度神油四字求證,哈哈!

 

14 則留言:

路漫漫其修遠兮 說...

南亞人不論男女天生有種濃烈體味, 有次去斯里蘭卡乘坐斯航, 飛機上除了我們旅行團, 其餘的似乎都是回家鄉的南亞人, 飛機未起飛時機艙內瀰漫一陣難聞味, 好在起飛後空調發揮作用, 那股味道漸漸淡下來.

妳的咖啡豆真好看, 是妳的珍藏嗎?

Coffee 說...

路︰
是天生定真係飲食嘅原因呢,佢哋嘅飲食真的很重味。在飛機上焗住,有冇諗過戴口罩哩。

張照片是網上找的,因為喜歡,所以都算珍藏,不過是照片珍藏:)

路漫漫其修遠兮 說...

Coffee:
那種體味說起來可能又未必天生, 真的跟飲食有關, 因為想起那次旅行, 在渡假酒店泳池跟當地小朋友一起玩, 並不覺得他們有體味. 機艙內的味道避無可避, 那時候又未流行戴口罩, 不過飛機的空調真的神奇, 後來味道消失了.

Coffee 說...

路︰
我有個朋友住在公屋,隔離係南亞人,佢話整天都有好強嘅食物味傳過來佢家,好唔鍾意,成日話好難頂,想申請調遷,當然唔成理由啦。

至於飛機上的味,除了飛機空調的作用,嗨,有可能係你適應咗了:p

Ebenezer 說...

妳同事嗡得出印度神油呢四個字,又知佢大陣味,佢當然係見識過先同妳地分享啦:)

Coffee 說...

Eben︰
你又洞悉先機!

佢百分比百張冠李戴咋!

卡臣 說...

聽說九龍公園游泳池
有一陣油浮面
(因太多印度人游泳)

Coffee 說...

卡臣︰
好笑!如果係真嘅都幾攪嘢,哈哈!泳池水有消毒濟等等,可去污嘛!

Armadillo 說...

我住緊嘅屋苑有好多南亞人,搭嘅時候都發覺佢地陣味好勁,不過係香水味囉!至於體味,我都係覺得黑人最勁,最近去咗兩次非洲,真係有深刻體會!

Coffee 說...

Arm︰
講到黑人,我認為佢哋啲體味真係天生架喇,同埋有啲黑人嘅體味真係好惡烈的:P

佛爺 說...

咖啡:

其實都唔出奇,兩公婆結佐婚十六年,都以為係床上穿著睡衣攬埋就會生仔,以為男女雙方的獨有器官,只是用來排尿而已!嘻嘻!

Coffee 說...

佛爺︰
此話當真!可能智商邊緣低下掛!

嚴明 說...

也是, 很多時候, 對於那些純情小朋友, 真不便糾正. 有時候, 一些女性被抽水, 不單是不明白, 更拿那些話語跟別的人說, 我不得不問: 妳究竟知道不知道自己在說甚麽?

Coffee 說...

嚴明︰
你講嘅情況我明白,我諗好多女生在年青時都經歷過,跟著別人說自己不明的輕薄說話,被人取笑時才如夢初醒。唉,經一事長一智咯!

Related Posts Plugin for WordPress, Blogger...