2011年6月18日星期六

文化差異

剛才乘坐巴士回家時,有二名印巴男人,由一上車起,就巴啦巴啦大聲喧嘩。本來在公共場所傾談或講電話,一般香港人都有個共識,就是盡量壓低聲線,以不滋擾旁人為前提。只見,那二名印巴男人滔滔不絕,其中一人還轉過身來,二人對望著講,中氣十足,講得又快,明蝦你哋啲人聽不明,盡情講,如入無人之境。(係呀!呢種心態好擺明是我猜疑的!)

我正正坐在他們旁邊,中間隔了一條通道,實在忍不住了,轉臉舉目望下他們,希望他們明白自己太大聲了,能暫停下來。哈,好傢伙,剛好和反轉身的那位對望了一眼,咩事啊!之後他三番四次望住我,仲連另一個都轉頭過來望,到他們落車時,竟然望住我微笑一下才往下層去!

頂吖!我忽然記起,M話印度男人是很尊重及喜歡肥女人的!我肥!!


 

16 則留言:

路漫漫其修遠兮 說...

有趣, 怪不得印度女人很多都是肥的.

Armadillo 說...

哈哈,呢次我就唔撐你喇。講到喺公共場所旁若無人咁大聲講大聲笑,我地中華民族認咗第二都冇人敢認第一啦!

Coffee 說...

路︰
印度人視肥女人為有福氣的,美的女人。

Coffee 說...

Arm︰
你講嘅情況我都見過,想想,又的確係:p

卡臣 說...

不肥不肥~~

嚴明 說...

香港人好不到那裏去。昨日等列車,背後男人大大聲說話,我幾乎要掩着耳朵。但,奈何,難道報警。

佛爺 說...

印巴男人,係好睇少女人既!

Coffee 說...

卡臣︰
肥呀肥呀~~

Coffee 說...

嚴明︰
要講嘈,有些香港人出外旅行時最嘈!

Coffee 說...

佛爺︰
我不懂他們的文化,不過覺得印巴人的民族色彩很濃厚,居住香港多年都可以依然如故。

SKII 說...

Coffee,你會唔會諗多咗呀?未必係因為肥喎!

講開嘈,我諗香港人都係咁上下,我同我班中學好友聚會,如果負擔得起,一起出來食飯,通常要book 房,因為我地自知我地真係好嘈吓! :-P 不過搭車時會撿點啲,其中一個原因係我地冇乜機會會十個八個一齊搭車!

Coffee 說...

SKII︰
因為我望佢哋時眼神一定不友善!

至於嘈,嘿嘿,有時都係五十步笑一百步:P

l.minor 說...

印度/巴基斯坦人,我其實都幾唔鍾意佢地,因為佢地都幾古域架!而且印度人其實都睇唔起中國人...

Ebenezer 說...

講到嘈,香港人認第二,睇怕冇人敢認第一!

Coffee 說...

minor︰
曾接觸過一個印度男人好有風度。

至於看不起中國人,唔知係咪佢哋嘅防禦抵觸的心理呢:p

Coffee 說...

Eben︰
即係我在一百步却怪他五十步:p

Related Posts Plugin for WordPress, Blogger...