2011年1月4日星期二

惟有做人別人幫不了

本該執筆畫畫,但有件事真是不吐不快,所以都是先寫後畫吧!

剛過去的十一月才求婚成功,今天他一見面第一句就是︰我回復單身喇!我們以為耍下花槍,但原來是真的!天啊!那邊廂我們為他求婚出謀劃策,C小姐特別為他求婚而錄製一段讚美花絮...通通歷歷在目,怎麼說沒有就沒有了呢!

基於是他的私事,爭吵過程不便多說,總之我們本著和事佬的心,由我這老人家出馬開解他。了解咗事情的來龍去脈後,我先是附和他的憤怒,指責下女方,繼而又站在女方立場,鬧下他,因為,這類性格問題而起的兒女私情問題,根本就沒有對錯,如果遇對了的人,已經不是問題了,但是戀愛又怎會咁易遇對人的呢?俗語說︰不是冤家不聚頭嘛!

我白姐姐上身般一派權威口吻,以為可以打救一對情海小苦侶。突然他眼紅紅衝口而出一句︰我嬲得滯時星咗佢一巴!!!

OMG!我停咗係度,咩都唔識講!然後我想到,問︰你係唔係第一次打佢?他停了好幾秒都答唔上,我一口攔截︰得!我知喇,一定唔係第一次!他細細聲說︰以前試過大力推過佢!

......

打女人!我真係幫你唔落啊!但看你們的造化罷!



      

27 則留言:

S 說...

冇品耶!

笑談風月 說...

江山易改,品性難易。動口不動手,相處之動。分開可能對大家好,不要再理會了,看他們造化。
對!你還未放大副畫,我在死等著。

嚴明 說...

打女人,絕不能接受。

卡臣 說...

恐怕變成家庭暴力
所以嫁唔落

韻味熊貓 說...

打女人,會上癮,難過戒煙、戒酒和戒上網。嫁佐佢,等住做沙包都得囉!嘻嘻!

Coffee 說...

SKII︰

現階段的他只是EQ不夠!

Coffee 說...

Otto︰

我一聽到佢動手,即刻說不下去了,問心果句,如果個女仔係我朋友,咁點呢!

Coffee 說...

風月︰

先講畫,係嘅係嘅,今晚一定有:p

至於他的情感事,我們的確難再開解,但他已收到我們通通鄙視他動手:p 他要反省!

Coffee 說...

嚴明︰

係呀!最冇品就是打女人的男人!

Coffee 說...

卡臣︰

幾個人都一致反應︰俾著自己,冇得返轉頭!

Coffee 說...

佛爺︰

我們只是靜觀發展罷了。

BTW,咁如果女人打男人又點睇呢!

Hana 說...

>咁如果女人打男人又點睇呢!

男人覺得個女人真係好愛佢囉!(我指輕輕星一巴/咬一啖/推一下...)

Coffee 說...

Hana︰

哈哈!咁再肉緊啲(星一巴/咬一啖/推一下...)
係咪更加好愛好愛呀!(即係同人唔同命,嘿嘿!有冇性別歧視呢,不過可能啲男人又受喎:p)

Coffee 說...

Otto︰

哈哈!我諗我仲會星醒埋我個朋友 :p

(雖然我不主張以武力解決問題,不過話時話,星落去唔知自己嘅手痛唔痛:p)

Ebenezer 說...

冇得講,死硬!

韻味熊貓 說...

咖啡:

「咁如果女人打男人又點睇呢?」

西方有虐男庇護所的!讓那些受虐弱男暫住,免受其妻追打。嘻嘻!

Coffee 說...

Eben︰

如果佢能醒悟,都希望佢有轉機,但而家就真係幫唔落!

Coffee 說...

佛爺︰

我都有睇過類似報導,但其實男人好力過女人咁多,一手已擋開啦!

Coffee 說...

風月︰

我貼上沒有剪裁過size的畫,你可利用執相軟件將畫放大成你喜歡的size便可。

韻味熊貓 說...

咖啡:

可能那些弱男雌雄同體的女生是一隻老虎,而那些悍妻雌雄同體的男生是一頭綿羊。嘻嘻!

l.minor 說...

太過份,原諒不得

認同佛爺所講,打開有條癮,有問題講巳足夠,何需動手?

Coffee 說...

佛爺︰

即係話呢種男人唔係冇力,而係心中懼怕。

Minor︰

係呀!一郁手,好多本來可解決的問題就生變數了!

笑談風月 說...

Thank you very much!

S 說...

佛爺 & Coffee,雌雄同體又來了,其實這個我想在我們生活的周圍,比比皆是!

Coffee 說...

SKII︰

我認為雌雄同體現象很普遍,就如世間萬物皆有陰陽面一樣。以我自己為例,表面睇絕對女人,性情都很女人,但都有男性化的方面嘅:P

陽光的戀人 說...

從這幅畫我看到了簡單就是美. 原來妳創作了不少漂亮的畫作.

Coffee 說...

路︰
漂亮就真係稱不上,不過都謝謝你的讚賞:)

多月冇畫了,休息了一大輪,近日有點想再執筆習畫。

Related Posts Plugin for WordPress, Blogger...