2011年1月20日星期四

拍賣

呢隻介子係某國買的,圖案好有意思,好特別架...
呢隻錶千幾元買的,而家幾百塊賣咯...
呢個手袋三千多塊買架,掛一千咯...
對訂婚介子...
對結婚介子...
......

見識著愛情大拍賣!出於尊重當事人,礙於自己應有的禮貌(此時我又意識到禮貌有時是一種虛偽),我無言以對。一段六年感情以失敗告終,沒有疑似的第三者,雙方在極不愉快的情況下分手。本來離離合合,人生平常事。但在鬧分手那刻,男方即刻向女方索取返過去六年間贈送與女友的較為貴重的物品!咁樣講,如果一對怨偶離婚,公平地攤分過去共同擁有的財物,我認為是合理的,但索回已贈送的禮物絕對有別於這種攤分吧!

L少︰俾著我,我一定唔會開聲攞返,除非佢掟返俾我,老實講,咁多年,唔通人哋白俾你咩~咩?(嘩~嘩~)
C︰   咁呢啲嘢係你情我願架喎,冇話邊個著數邊個蝕咯!
我︰  咁當時佢送禮物俾人應該都係佢情願架啦!送咗俾人就係人哋架,點可以問人攞返呢?除非人哋唔要咯!
C︰  係喎!俾咗我就係我嘅,點可以問我攞返?而家諗下,我應該唔會俾返咯!不過,其實係唔應該送太貴嘅嘢俾女朋友。
我︰  好貴咩?
L少︰差唔多喇!

......

相戀六年,最後因性格不合不能走在一起,但婚前忍受不了而分開,總比婚後成怨侶好上千百倍。漫長人生路,哪一段是自己走得最精彩的,未到生命終結前都不會知。很老土那句,金錢不是萬能的,但冇錢就萬萬皆不能!所以別讓自己的精神及肉體完全被金錢操控,花花世界下,緊記為自己的感情留下一片不染!

12 則留言:

卡臣 說...

男方咁做好小家

韻味熊貓 說...

我都係咁話,拉個男人去閹割!

Coffee 說...

卡臣︰
本來過去的六年可能會為未來人生留下一段美好回憶,而家是甚麼都不留!

篤篤篤撐 說...

o甘既男人, 好早分手得早~~

Coffee 說...

佛爺︰
我曾諗過這可能係八十後的文化!睇來只係很個人的問題。

Coffee 說...

篤篤︰
原來真不是我見識少,大家都唔BUY咁嘅做法!女仔個心很定好難受。

L L 說...

唉,為甚麼會如此幼稚?向人要回物質,可以要回時光嗎?

感情有點像押注,輸了便輸了罷,該是要不回來的。

Coffee 說...

校長︰
我們很想讓他明白,但人啊!都係果句︰惟有做人別人幫不了!

嚴明 說...

如果不是跟一個腦筋未開發的人拍拖,就是對方出於報復心態,沒辦法。真正是為錢的,我相信是少數。

Coffee 說...

嚴明︰
這的確是個腦筋未開發的人,應該不存報復心態!不過同時是個過於執著於金錢的人!

笑談風月 說...

最終寫了出來,一樣米養百樣人,沒辦法。
妳最近貼的王菲歌,首首動聽,有細心陪妳聽,謝了。

Coffee 說...

風月︰
唉!我就住就住咁咯!

你都是菲迷,你知!

Related Posts Plugin for WordPress, Blogger...