2011年1月13日星期四

暖暖冬日

以為今天比昨天冷,至少也同昨天一般地凍,我破天荒穿了絲襪!我知架,在這方面我不像個女人,告訴大家,我喜歡穿牛仔褲,喜歡著vans或converse便鞋,從不染指甲,從不搽胭脂,哦,扯太遠了!講返絲襪,我大大話話應有十年沒有穿過了。昨天冷得我滕滕震,同事說穿了對絲襪打底,暖好多,所以我今天即刻效法。

昨夜在衣櫃摷絲襪時,見到這件被我束之高閣三年有多的靚靚冬衣,突然頓悟她才是我最暖的褸,比羽絨更暖,於是速速取出,明天一併披身禦寒。

喔!原來今天沒有昨天冷,我步行回到寫字樓時,全個背脊都是汗水!再加上有幾位同事不約而同讚件褸靚,:))  喔~今天,這個冬天真不冷!


補誌︰我從先父身上繼承了一雙優雅柔軟的手:P






14 則留言:

Ebenezer 說...

我覺得女人不穿絲襪更性感。

BTW,妳件褸真係好靚:)

卡臣 說...

久唔久女人一次,眼前一亮呢

Coffee n Tea 說...

Eben︰
我定義的性感來自性情、學識多些:)


卡臣︰
其實我很女人的,只是我不喜歡搽甲油罷了,但我依然有一雙很靚的手(不是講笑):p

卡臣 說...

貼相!貼相!貼相!

Coffee n Tea 說...

卡臣︰
哈哈!我就同你癲一次,貼咗我的左手相喇!

卡臣 說...

十個正!!

SKII 說...

我都好少穿絲襪,但太冷,這兩天也穿了,嘻嘻,今天還為了長 boot 而穿裙!

件大褸看不清楚啊!

雙手不夠靚的才要塗指甲的耶!

PoCaRi 說...

噢...淨係睇個領位,....好難睇到件褸點既樣喎~
XDDD

話時話,好似S咁講, 如果女人手指修長而指甲又靚既話, 即使唔塗任何野都係好靚既, 如果有特別場合, 可以加多層透明既nail polish 就已經perfect啦~~

其實我最怕係果D假甲,真係鬼死咁肉酸, 直頭慈禧太后上身咁!! 一係果D係指甲畫公仔咁, 當左自己指甲係畫紙, 真係頂唔順呀!
(你不妨試下係指甲上面畫山水畫啦....)

佛爺 說...

其實穿多幾件衫,暖過一件大褸的。

Coffee n Tea 說...

S︰

其實我係怕煩,所以好多嘢係可免則免了!

POCA︰

>>加多層透明既nail polish
你比我還懂呢!:)
指甲繪畫,我未得架!

佛爺︰

呀~呢樣呢,女生著太多衫包裹住應不自在:P
所以我多數會裏面著件緊身保暖衫,再加件乜乜,然後一件厚褸。

嚴明 說...

香港的冬天不太冷,所以用不着穿很厚的外套,也因此,上星期打算穿某件厚一點的外套,才發現了另一件最新卻極少穿的外套!Well, 外套是比較厚一點,但不見得特別暖:P

Coffee n Tea 說...

嚴明︰

著對絲襪係入面打底真係暖好多,試下吖!最多剪去腳掌果部份咯:)

Armadillo 說...

講到絲襪,我就會諗起絲襪奶茶嘞。天寒地凍,飲番杯熱辣辣嘅絲襪奶茶,真係成個人都暖晒架!

Coffee n Tea 說...

Arm︰

絲襪奶茶,正!正!正!
天寒地凍,仲有熱咖啡、熱朱古力、熱好立克...都正,飲到人暖笠笠!

Related Posts Plugin for WordPress, Blogger...