昨晚畫班提前中秋飯聚，人多，每次搞飯局總是好似去飲宴一樣，由乳豬食到甜點。就算食不多，每樣食物食一至二次，已足夠輕食中的我用幾日時間去償還！
食到尾聲，有人提出老師應攞幅畫出來抽獎，抽中的下次請食宵夜，又係食！眾人七嘴八舌，有話想要這幅，有話想要那幅，我眼光光不作聲，因為我整餐飯都在計緊自己吸收了幾多卡路里。突然老師望住我話︰阿X，攞你頭先交的二份功課出來抽！我以為自己聽錯，接著老師重複了一次頭先所說。我睜大雙眼︰「老師，講笑搵第樣好喎！」。老師說他很認真，說我有升了級的進步，我果二幅真係畫得很好。
我又驚又喜！有同學戲言我是否上峨嵋秘密練過功，我開心地笑了！假又好真又好，我醒悟到老師和同學都待我很好。不過我一而再，再而三拒絕了將以下這二幅畫攞出來抽，因為其實人人想要的只是老師的畫！
12 則留言:
嘩！妳d畫咁受賞識，一定要食餐勁嘅賀賀佢啦^^
哈哈：
其實我都係覺得運動先係最好嘅方法，諗諗佢啦！
阿Sir讚你d畫升”呢”咗，應該食兩餐賀賀佢啦！哈哈！！！
構圖的確較前更渾然天成更上層樓﹐最重要的地方是畫意逍遙﹐那是心境﹐難怪老師稱許。 :o)
Eben︰
食餐勁嘅！我想架，我為食呀！
Minor︰
持續半小時以上的帶氧運動可消脂，再加上適量飲食，的確可事半功倍。你的運動量好夠，一定可修到線條好靚！
我買塊芝士蛋糕當獎咗自己架喇！
best actor︰
>>畫意逍遙﹐那是心境
水墨畫有很強的寫意風格，心境的確有很大影響！
鷹飛到幾低都係鷹
妳唔使咁謙喎
不要妄自菲薄，我們看著妳進步的，兩幅我都很喜歡，尤其上幅，雀兒有點囂，超愛。
卡臣︰
唔係謙呀！可能係自信不足吧！
風月︰
轉眼一年了，時間真係過得很快！
唔係講少，確係畫得好。 妳的親密戰友(S小姐)
親愛的S小姐︰
我有三位好好朋友都咁啱一樣叫S小組，不過我都大概估到，講得戰友嘅梗唔少嘢喇！係咪！仲好講，咁耐先來探下我！
我減肥中，頭先食了一大碗飯，超量了，宜家準備出去步行。:)
發佈留言