2010年9月12日星期日

我想學用PHOTOSHOP

近日我很有心想學用PHOTOSHOP,但障礙重重!

想起有位相識多年的朋友,他熱愛旅行,但對攝影就平常心。本來一直以來,他都是用輕巧方便的DC機。有一年,他去西藏旅行,以其腳長的優勢,一馬當先佔據了有利位置,在美輪美奐的西藏風光前,他舉起他的DC機對焦正要按下,但突然有人在旁擠逼著他,他回頭一看,原來是一攜帶著重型攝影裝備的,不知是業餘亦或專業的「職業殺手」,「殺手」的頭正伸入他的黑布遮蔽的方框裏。朋友望下自己的DC機,不便發作,他說那一刻他真的氣餒!不忿被「殺手」擠掉,但他亦覺得不能用部「到此一遊」的DC阻住地球轉。嗨,那一次旅行後,本著看誰再來逼走我!他去買了部CANON 5D MarkII 加紅圈鏡。

但因這朋友並不真愛攝影,加上懶得睇說明,所以最最貽笑大方的是,他第一次帶著他的5D出征時,他完全不懂操控,按不下快門!他惟有樣衰衰求助於旁人,旁人一語點醒他這個夢中人,「你未識用部機,可以用全自動功能影住先。」並幫朋友調好在全自動。那一刻他太開心了,從此成為CANON 5D MarkII 自動功能的熟手技工!笑話未完,有一次我們成班朋友聚餐,他自動請纓用他部機影張集體相,却SET好腳架後,留定側邊一個位置給他,他大哥是半天都SET不出自動影集體相的功能,我們一個二個由「芝士」變成了哈哈大笑!有人調侃,「部機係咪你借回來充大頭鬼架?」

不過朋友買了部5D亦不是完全沒有得著的,他說自己不擅長臨場發揮,手忙腳亂不知從何入手,因此他選擇了事後編修相片,如今他在使用PHOTOSHOP上,很有些心得。

後記︰因為被PHOTOSHOP搞到我一頭煙,將之擱下。然後,我想到那個不太識用自己部CANON 5D MarkII 影相,但很懂使用PHOTOSHOP的朋友來。

10 則留言:

SKII 說...

hey hey 據我所知 5D Mark II 應該係冇“全自動”的,最少都係果啲“光圈先決”丶“快門先決”等等,即係最少要揀一樣,不過 nevermind 我唔係用 Cannon 所知其實有限!我用我部 D90 都比朋友笑呀,但佢真係有“Auto", "scenic"etc 應該好似你部 550 咁上吓,趕起上來就用"Auto",我估我呢世都唔需要 update(舊換新除外) :-P

Coffee n Tea 說...

SKII︰

哈!朋友是咁講,睇來佢仍未知呢!難怪他說唔知點解有時按唔到快門,真是天大的笑話!

你用D90,當初未買550D前,我幾乎買咗D90,後來因其較為重手,所以冇揀到。

SKII 說...

哈哈!我哋諗嘢可能有啲似,看這個...

http://sally-smallthoughts.blogspot.com/2010/04/cameras-impulsiveness.html

我買時唔知有 550D,只識500D or D7(金屬機身),所以揀咗 D90,後來都有諗過如果早知,可能會買550D,不過冇 friend 借鏡頭!

Coffee n Tea 說...

SKII︰

都咪話呀!真係幾似呢!
你四月二十日買的機,我就四月六日買的。我買之前上論壇睇用家心得貼文,於是揀定二款550D及D90,到商舖買時猛問呢問路。

笑談風月 說...

我都是寫Blog後,才跟家人學Photoshop,太多功能,只略懂10%。

Coffee n Tea 說...

風月︰

真慚愧呀!我連裝軟件都未裝到,我真係「朱金春」!

l.minor 說...

我都想學photoshop,可惜有時覺得幾煩,再加上好多時唔上心...另外要搵software亦都係一個問題

Coffee n Tea 說...

Minor︰

早晨!係呀,你講得啱,我哋可交流下心得,大家都由唔識開始。

Ebenezer 說...

我都係唔識用Photoshop又好想學好耐果種人。

昨日剛單撈咗Photoshop Element for Mac 試用版,但都係老鼠拉龜:(

Coffee n Tea 說...

Eben︰

太好了!又一個想學的,唔知有冇blogger在網上授課呢?:)

我都係單撈咗試用版,但想要full version。 :p

堅持學,不要放棄,會得嘅!

Related Posts Plugin for WordPress, Blogger...