2010年9月9日星期四

環保俠士

我有多年的減肥經驗,但講出來是很羞家的,大部分都是以失敗告終。只不過我早已將減肥當成我的終身事業,即使屢戰屢敗,我依然屢敗屢戰!人說失敗是成功之母,其實當失敗與成功輪迴多幾次後,誰還分得清誰是誰的娘親,誰又是誰的兒子。近日,我再次捲土重來,這次我感覺到自己有不成功便成仁的決心。看,本星期我沒有外出用午膳,而且堅持輕食。早午餐的食物主要有麥皮、蕃薯、青瓜水果、餅乾等等,晚飯亦食不多。我每日早晚都磅體重,體重已見走輕,嗨,這感覺實在太好了!

我不外出食午飯,梁生為節約亦有樣學樣,午膳時間只是留在座位上午休,但就甚麼都不食,同練仙無甚分別。本來我們已人丁單薄的小部門,二個帶飯,一個練仙,一個減肥,外加另一糾結開的好友同事亦無奈帶飯算了,所以梁生今日鄭重宣佈,我們是窮困五人組!正所謂屋漏偏逢連夜雨,我們辦公室的冷氣機壞了(滴水)!我們窮困小組實際是兼任起環保俠士來,食得少,電用少,嗨!真要命!怎麼都趕上了?

14 則留言:

卡臣 說...

祝成功先
一定得!

Ebenezer 說...

努力!加油!!

但減時減,要保重體質為重。

Coffee n Tea 說...

卡臣︰

我在此敲鑼打鼓,就是要給自己一條瘦身不歸路!成功!成功!

Coffee n Tea 說...

Eben︰

多謝提點,我會架喇!

l.minor 說...

我的減肥大計,開始咗6日,跑咗4日步,打咗一日籃球,休息咗一日(做拉筋為主)巳感覺個人slim咗.而我只減咗小小食量,因為我以前會食到11成飽,而家就8-9成飽,感覺良好...

不過妳唔好唔食肉,否則個人冇力,冇營養好易病...努力!

佛爺 說...

咖啡:

乜咁支持保護地球呀!嘻嘻!

Coffee n Tea 說...

Minor︰

你嘅運動量好夠呀!加埋拉筋、減少食量,一定修到身,如果唔係香港先生選舉剛結束了,嘿,可以去參戰呢!

至於肉食,晚餐會食啲嘅,不過因為我本身不喜歡食肉,所以相對來講,肉真係食得很少。

Coffee n Tea 說...

佛爺︰

瘦啲個人本身都應該是環保啲,食少啲啦,用少啲啦,連去都去少啲嘛 :p

你是環保人士嗎?哈哈!

笑談風月 說...

嘿嘿!放長雙眼,看你們堅持得幾耐。

Coffee n Tea 說...

風月︰

減肥我呢次來真架,至於外出食飯嘛,來緊應該間中都會嘅,但一樣要輕食。

SKII 說...

環保過我....?我要加油!

祝妳成功。

Coffee n Tea 說...

SKII︰

係?睇來環保路上有很多志同道合的人。
大家都加油!

laulong 說...

環保?我從來是祖師爺。

不為甚麼,因為我最老!

Coffee n Tea 說...

校長︰

一路來睇你的網誌,都認為你的確是環保先鋒,這是經年養成的良好生活習慣,看你之前貼上的照片,便知你應是從中得益非淺呢!

Related Posts Plugin for WordPress, Blogger...