2010年9月20日星期一

雨天

出事喇!出事喇!我就知道呢個世界係有「早知」嘅!減肥期間怎可以買自己喜歡的嘢來食呢!落雨吖嘛,有關係架?有!落雨有種情調,有情調我就想食餃子。去百佳買了幾大包餃子回家,煎了些來做晚餐。配上酸醋、辣椒做佐料,本來很很一般般的餃子,我食得滋味極了。鬼咩!我呢輪的主糧是麥皮、生果、少飯、少餸,一下子面對一碟煎得金黃的餃子,我還不開齋般大啖而後快!一隻、二隻、三隻...最後我已忘記自己食了幾隻,剩係知道食過多了,這十多天來未試過有呢種過飽的感覺!然後我知我因沒有了那種少少餓的感覺,有些亂了方寸!

#  #  #  #  #  #  #  #

窗外,不停的雨,沐浴後的我捲曲身體半挨在梳化上,開始看攝影雜誌!很快,我便忘記了外面的世界。看罷一本時,原來雨已停了,伸伸雙腿,很麻痺,點點像針不像針的輕拮,麻癢難當!咦~呀!

越來越發覺自己特別喜歡黑白人體照(暫時只看過女性),黑白帶灰的色調,特別顯出女性柔美的線條,遠不止美咁簡單!

8 則留言:

卡臣 說...

努力啲運動減返啦

Coffee n Tea 說...

卡臣︰

同埋記住咩都可以食,但就一定要食少啲!

佛爺 說...

咖啡:

你試下用Photoshop把彩色相轉成黑白,不是那麼直接的。

Coffee n Tea 說...

佛爺︰

哦!真是不知呢!之前試過用其他軟件轉,效果不很特別,我會試下PS!謝謝:)

Ebenezer 說...

餃子其實都係好均衡嘅食物,都唔會太食肥人掛?!

Coffee n Tea 說...

Eben︰

餃子係OK嘅!
嗨,有冇睇過楊千華拍的果部《餃子》!哈哈!

笑談風月 說...

沒關係!總有放恣時候,一次半次影響不大。

Coffee n Tea 說...

風月︰

即係當一次半次氹下自己!:)

Related Posts Plugin for WordPress, Blogger...