2010年9月14日星期二

說饕餮又太過份

曾經不知誰講過,加練奶自製奶茶口感味覺一流。我一直都沒有試過,直到今日。

我早餐多數開麥皮,不過別人的素麥皮,到了我這,可無端生出多多的花樣。有黑芝麻粉麥皮、杏仁糊麥皮、雜糧麥皮...甚至咖啡麥皮,不要問我好不好食。皆因都是無味的貨色,我會每次加少少蜜糖,然後呢,可以問我好不好食了,如果你無聊得很,我又無聊之極時,我很樂意告訴你的。好了,俾你知道我正百無聊賴添!嗨,呢個係秘密來架,坐隔離的都不知喎!咁,你係咪都有樣秘密交換下呀?嘿嘿!

言歸正傳,好人不用「肺」說話。蜜糖用完了,我買了罐練奶,將之倒入很好用的蜜糖樽。練奶裝不完,倒掉?不行~~,完全不符合我的有衣食做人原則,哈!仲唔係你!自製奶茶!難道我總找不到一條大道理來以饗我輕食多日的饑腸嗎?各位,一杯加練奶的自製奶茶喳!

「嗨!喳咩喳!鬼唔知你宜家內疚中咩!你犯了七宗罪之一饕餮

即係咁,我由八月的體重高峰回落到今日的124~125磅!真的太開心了!

14 則留言:

Ebenezer 說...

煉奶奶茶聽講會肥死人個播!

l.minor 說...

同意!奶茶係肥死人架!!!

之前聽過小S賣廣告的那隻茶是真係可以減肥,因為可以去除食物嘅油,而且會有輕微的瀉,所以唔可以飲過量

Coffee 說...

Eben︰

係呀!如果功虧一簣就死得了!

我飲剩三分一,唔飲喇!

Coffee 說...

Minor︰

小S果個發肉緊廣告?我有啲心動:p

L L 說...

啊,正在成功中哩,努力,定能償願!

Coffee 說...

laulong︰

對!有少少成功感,我唔可以半途而廢!你哋要督察住我。

the8 說...

你好衰引我,我好辛苦先戒到茶走呀!!!!

l.minor 說...

其實我係講小S果個油切茶廣告,不過一search,好似好多劣評,特別係飲得過多,會肚腫屁多...之前我唔記得邊度寫話飲呢個會減到...

Coffee 說...

the8︰

撐住!我今日果杯都剩三分一冇飲,要戒!

Coffee 說...

minor︰

謝謝你呀!咁我又唔使心思思想試了!

韻味熊貓 說...

飲奶茶都會肥?我唔飲果日,好似無上電咁!

Coffee 說...

佛爺︰

好典型的香港人!你肥唔肥呀?如果唔肥,可以繼續不變地飲,怕以後會肥咪少奶少甜咁咯!:)

笑談風月 說...

減肥尚未成功,同志仍需努力。奶茶對女性是毒藥,知冇?點解?比咖啡更傷脾胃,降低新陳代謝率,是皮肤與減肥的殺父仇人。

Coffee 說...

風月︰

好彩咖啡奶茶,我愛咖啡多很多!奶茶係在茶餐廳不選擇咖啡時的替代選擇。

我記實架喇!謝謝你!

Related Posts Plugin for WordPress, Blogger...