瘋言瘋羽

上星期六和言在Mos Burger食嘢時，中途見一個職員手挽二桶食油，由餐廳一邊行去另一邊，我望下那二桶食油，是上等芥花籽油。

咖啡︰嘩，你睇下，呢間餐廳用靚油喎，上等芥花籽油，唔怪得貴啦，選料健康。

言︰唏，你唔俾佢哋作假架？

咖啡︰假？！(一秒後明佢講乜)

言︰係呀！佢哋可能買定幾桶呢啲靚油，然後每個鐘就在餐廳內搬一次，特登就係俾人睇到 佢哋用健康油，等大家多啲來食，貴都來食。

咖啡︰(忍笑白了言一眼) 你好無聊呀！

剛才搬油的職員又再挽二桶油，由一邊到另一邊，我貪玩的心態在那刻跟隨發作了。

咖啡︰唔得，一個鐘搬一次，仲要搬四桶，可信性好低，點會一個鐘用到咁多，應該是三個鐘搬一次，人哋先會信。

言︰邊個會食包都食成粒鐘架吖？每一個鐘已經係唔同嘅客啦。

咖啡︰咁，呢份工咪好易做咯！每一個鐘就挽四桶油係餐廳行一次。

言︰係呀，全世界最易嘅工。