2010年3月5日星期五

瘋言瘋羽

上星期六和言在Mos Burger食嘢時,中途見一個職員手挽二桶食油,由餐廳一邊行去另一邊,我望下那二桶食油,是上等芥花籽油。

咖啡︰嘩,你睇下,呢間餐廳用靚油喎,上等芥花籽油,唔怪得貴啦,選料健康。

言︰唏,你唔俾佢哋作假架?

咖啡︰假?!(一秒後明佢講乜)

言︰係呀!佢哋可能買定幾桶呢啲靚油,然後每個鐘就在餐廳內搬一次,特登就係俾人睇到 佢哋用健康油,等大家多啲來食,貴都來食。

咖啡︰(忍笑白了言一眼) 你好無聊呀!

剛才搬油的職員又再挽二桶油,由一邊到另一邊,我貪玩的心態在那刻跟隨發作了。

咖啡︰唔得,一個鐘搬一次,仲要搬四桶,可信性好低,點會一個鐘用到咁多,應該是三個鐘搬一次,人哋先會信。

言︰邊個會食包都食成粒鐘架吖?每一個鐘已經係唔同嘅客啦。

咖啡︰咁,呢份工咪好易做咯!每一個鐘就挽四桶油係餐廳行一次。

言︰係呀,全世界最易嘅工。
      

8 則留言:

卡臣 說...

好犀利的觀察力和分析力呀妳地兩位

Coffee 說...

卡臣︰
多謝你的善良,唔話我哋無聊。:)

笑談風月 說...

言仔對事物抱有懷疑,證明已長大入世了,洞悉成人世界的虚偽與殘酷。

Coffee 說...

風月︰我看他只是嘻笑態度罷了。

嚴明 說...

果然是想象力豐富:)

Coffee 說...

嚴明︰係?謝謝你!不過可惜未用在學業上。

荒木茂 說...

有趣!

Coffee 說...

荒木︰嘿嘿!很多無聊嘢。

Related Posts Plugin for WordPress, Blogger...