2010年2月6日星期六

敏感話題

去化妝品店買bodylotion,相熟sales熱情招呼,她向我推銷千多元一盒五支裝的「時光倒流」,有買二送一優惠。我輕笑,妳真係睇得起我,我都想時光在我的臉上倒流,但我無錢,我笑說我剩係來買bodylotion架。這時來了個少婦,說是熟客,旋即買四送二,我咋舌!我遠遠瞄到有個sales雙手在自己胸部前比劃著,好奇問下,哦,原來除咗按搽在面上,還可用在胸部,即在胸部上方,沿著韌帶向上按摩,每日堅持,可令雙乳堅挺些不易下垂,噢!相熟sales細聲八卦話那少婦剛生完第三個BB,她用開的。我做了個鬼臉,相熟sales說唔貴架喇,去美容院俾人推要幾多幾多錢呀,且去美容院始終要經人哋嘅手,可能唔慣,自己按下幾方便呀,最緊要係可以幫妳keep得靚啲喎,聽到此,我忍不住笑出了聲。我快快買了我的bodylotion,走人。

想起在MB做facial時,有纖體師來推銷美胸套餐,稱可令胸部大些,型態靚些,我睡在做facial的床上,全身蓋著毛毯,說,我知我唔係好大,不過我OK架喇,夠架喇。纖體師仍不放棄,說,大啲著衫靚啲,而且唔係剩係大啲,可以幫妳推到個胸嘅線條好靚,女人個胸好重要架,我哋有好多客初初都係試試下,一試先知好work咯,甚至有媽咪試過好,跟住再帶埋個女來推,推到好靚,妳放心喎,我哋好專業嘅,只係推胸部外圈,唔會掂到妳胸部中間果渡...為了不浪費纖體師的時間,我說了真心說話︰我其實唔中意咁大!然後纖體師沒趣地離開了。

哈哈哈...行在途中的我,心中在發笑!香港人一天到晚都要面對推銷。

8 則留言:

笑談風月 說...

我推銷一個不用錢的方法:
背貼牆站,把雙手盡量伸高,收腹,心數一百下,雙手放下,舒展一回,重覆動作五次,每日做,保證有效。
我中學開始做,冇停過,效果…,好到人人仿效,哈哈哈哈!
推銷完畢,明益妳!免費。

嚴明 說...

其實很多美這樣美那樣的"治療", 都是廢話, 根本不會有效, 但一些女人, 錢多了, 就懷着試試無防的心態, 甚麽廢話都聼進去了. 所以說, 女人的錢, 很容易賺.

Coffee 說...

風月︰嘩,有好嘢益我,真係恨不相識少女時!我即刻乜都唔做,做咗今日第一次先,謝謝!hehee...

Coffee 說...

嚴明︰男人理性好多,但你愛你女朋友時,你可能心甘情願佢使你嘅錢,所以最終賺的是你們男人的錢。:p

自聊思 說...

無謂挑戰SALES們對人體解剖學和生物學的認識吧。只是從前聽過男人想非禮女孩子時,總會以「幫你按摩整靚個胸」來大施「祿山之爪」。女人在這個情況下會比較理性一點,知道那樣是不可行;反之,出自按摩師之口,又信到十足...。
那個所謂「纖體師」,其實識D乜﹖講D似是而非的廢話,真係無謂聽,只會浪費時間。

Coffee 說...

自聊思︰佢哋經公司培訓過,用科學包裝個計劃,據我所知,有唔少有個閒錢的女人會試。
加上「纖體師」係女人,感覺上無蝕抵咯,應該係咁掛。

自聊思 說...

那是假科學,不過很多女人常自認是感性,拒絕理性和科學實證,所以有女人錢多無地方使時,都會去買這些「良好感覺」。
係..「纖體師」係女人,雖然身體上沒有「蝕底」,但金錢上就肯定有囉。

Coffee 說...

自聊思︰基本上是無自信又無思想的女人行徑,有啲無錢都會試架。

Related Posts Plugin for WordPress, Blogger...