太怕凍的我，冬天一定是難起床、難出門一族！所以一旦出了門，便有少少過得海就是神仙的感覺，邁著絕不敢有絲毫怠慢的腳步，走！走！走！
地鐡轉車站，總有幾個在前奔走，懶理不要奔跑的呼籲！我是第二批不跑，但走得急驚風似的，衝著往轉車。今早一如平日，入了車廂，見中間不太擠迫，我避過打橫企的二個人，還暗中白了他們一眼，企中間去了。
這時，一女中學生站起來，讓了個位給我。我很愕然，思量著是否她識我呢？是否她要落車了呢？都不是，嗯！一時之間諗唔到咁多，我倒是毫不客氣地坐下了，並小迷信地想到︰未開年，新正頭，好事呢！沾沾自喜得不得了。週邊有些人眼望望，別望吧！我都唔知點解她要讓位給我。
突然電光火石之間，我恍然大悟︰女生以為妳有咗BB呀！懞人！！
呀！我好瘀呀！OMG！
這件娃娃裝外褸，非可掩我過年來更圓潤的身段，反而是更胖咯！！
我真的有那麼胖嗎？上班時捉住人就問，這是本能的掙扎！
本來影了幾張相作呈堂證供，但諗下都係唔好影響市容了，以免敗了各位看官的興，當做次善事罷。
8 則留言:
瘀事一宗！
風月︰唉！瘀到痺！要減下肥喇。
雖然瘀了, 但有人情味喎
有另一個可能，就係個女生想有BB，投射了期望。嘻嘻！
卡臣︰其實我都有試過見到啲女士，似有非有，都唔知讓位定唔讓位好？:p
原來真的會發生哦！其實很少看見孕婦乘列車，大概是太擁擠吧。不過妳到底是女學生的長輩，要了她的座位，也不太過份;)
佛爺︰女生年齡尚輕，唔識睇，其實我身手不知幾敏捷，靈活閃避他人走到中間。:)
嚴明︰嘿嘿，我當時就正是以長輩心態坐下，並沾沾自喜呀！
發佈留言