2010年2月8日星期一

自困

恆生信用卡明日到期繳費,看下啲須繳費項目,其中有一項是$800年費,我就諗︰打電話去問下,如果唔免我年費,那我就取消這張卡。

我無法打通這個電話!全部都是錄音電話服務選項,轉來轉去都轉不出那死胡同!之前的經驗係轉下轉下就會有人接聽架,我無計可施,轉去報失信用卡條線,接通了,職員竟然第一句就話︰唔好意思呀!請你留低電話,有關同事會盡快覆你。因我趕住去工作,沒再費唇舌,留下電話號碼等佢哋覆,但我心在詫異︰此為報失熱線,焉知人客不是報失信用卡!

放工途中,思量起信用卡的利弊
利︰購物方便,不用帶太多現金在身;久唔久有商品店舖優惠。
弊︰用錢方便即等如方便浪費;成日要記住找卡數,偏偏我常常過期才記起;無啦啦多咗信用卡月結單要處理。

想到一位高薪朋友,竟然不使用信用卡!開頭覺得有點兒匪夷所思,宜家當自己一而再,再而三感受到因信用卡演繹出來的不便時,我恍然簡單才是生活的本來面目,而不受物質困擾才是真正的簡單,不是我看簡約線條美那種簡單!

活出這生活智慧真不容易!

回家前入Circle K,記起之前抽到張免費雪糕,拿出來一看,噢,已過期(3/2),嘿嘿!

走到雜誌前瞄下八卦週刊封面,仍見到陳XX!如果當初我曾相信這人愛過女富豪的話,如今這想法是煙消雲散了。

10 則留言:

笑談風月 說...

我多年冇用過信用卡了,無謂買無謂嘢。買價高物時,找有信用卡的阿狗,互相監察,年中省回不少。

佛爺 說...

我去取消信用卡也不易,銀行職員死纏難打,叫我保留。唉!

卡臣 說...

唔知「電話迷宮」是香港獨有? 還是世界其他地方也有?

Coffee n Tea 說...

風月︰原來妳也是無卡人士!

Coffee n Tea 說...

佛爺︰深有同感呀!我宜家諗緊慢慢取消啲信用卡,留番一、二張傍下身就算喇。

Coffee n Tea 說...

卡臣︰打電話打到忟,真係好無謂,你問得好呀,唔知係咪香港特色?

xiao zhu 說...

卡臣真係形容得貼切嘞,「電話迷宮」!有時真係忟到想打人架!

Coffee n Tea 說...

xiao zhu︰你好!歡迎光臨!
香港太多「電話迷宮」喇,我昨日早上行一次電訊迷宮,下午再行銀行迷宮時,真係俾你講中︰忟到想打人呀!

Maisy 說...

我就覺得必要有最少一張信用卡傍身,信用卡連提款卡,平時可以提款,但就唔好倚賴簽卡,我真係試過唔夠現錢,好彩有信用卡簽卡結帳架。

Coffee n Tea 說...

Maisy︰謝謝留言!
我都打算cut剩二張連提款卡的信用卡就得了,無卡係好唔方便,但有就要好有自制力。

Related Posts Plugin for WordPress, Blogger...