2012年2月2日星期四

我的 Galaxy Note

我部 Galaxy Note 到今天剛好用了一個月,仍然很喜歡。不同以往的電話,買回來用下用下又係得番只是一部打出打入的通訊工具,充其量是較漂亮或較昂貴罷了。這部 Galaxy Note 的確冇買錯,它可直接在 PPTV 下載影片或劇集,無需轉檔,利用家中 WiFi ,幾分鐘就可下載一部片到已預設的 File 中,要看就按 Play ,不想看時按停,它會自動停在所觀看到的時段,到有時間可繼續看時,又會自動由你上次看到的地方看起,而這功能不會因你暫停一下去選看第二齣戲而消失,幾時重看,幾時都是你上次觀看到的地方再繼續播,所有 Play 過又未睇完的都是如此,不用每次都將條 Bar 移嚟移去搵上次睇到邊度,非常讚的設計,太體貼了。至於為何要用家中 WiFi 下載,因為我的電話上網服務是中移主動的超平 2 G Plan ,這 Plan 用來上微博上部落格上面書等等還可以,要下載 PPTV 的片就做不到了。

昨天同事攞佢部愛風嚟和我的 Galaxy Note 比對,發現她的愛風在 PPTV 只可即時觀看,沒有下載的格式,而她因 On Line 看片,這月爆了用量,要多交近三百元,她很羨慕我的三星可下載定影片,幾時看都得,說趁還有市,會去賣咗部愛風四,買部三星回來。愛風又好,三星又好,至緊要合自己心意,誰的錢誰作主。

小插曲,在地鐡睇片,出現劇情需要時的親熱畫面,真係停都停唔切,眼尾稍下附近,心想剛才那幕不被人留意到,才好。

17 則留言:

卡臣 說...

我估妳看的片,離譜極都好小兒科啫 (在佛爺眼中)

雪山飛狐 說...

只要声音不要太大就可以了。

我刚换了工作,新公司给我出一部Galaxy Note, 本来想把用了一年半的爱风给老婆,但旧公司要收回来,郁闷。

火女 說...

呀~~~~~!

心思思中.......!

近期實在太多朋友轉用 Galaxy note了! 可download又真係好正喎......

Coffee 說...

卡臣︰
我相信係你眼中都一樣小兒科:p

Coffee 說...

Desertfox︰

絕不敢在公眾場合造成聲音滋擾,我有用耳塞的。

真羨慕你啲公司有咁好的福利,出啲咁正嘅手機俾你用!舊愛風都一樣有市有價嘛,你走了,福利回收都正常嘅,不過梗會有點氣結架啦:p

韻味熊貓 說...

卡臣真係明白我!嘻嘻!

我真係想講,有乜親熱畫面?頂龍就係接吻!

三星去年市場佔有率,已經高過蘋果。而且安卓平台有很多功能,蘋果是沒有的。

Coffee 說...

火女︰

galaxy note 嗰芒夠大,又高清,睇片真係好正。

Coffee 說...

佛爺︰

係咯,或者其他點到即止的床戲,意境上的,但如果旁邊乘客目及一份,我睇不下去:p

哦,Android 叫安卓呀,我有很多同事已先後棄蘋果轉用三星機,都稱介面及功能比蘋果好。

Armadillo 說...

哈哈,使乜睇得咁鬼祟喎,啲親熱情節,地鐵都成日有真人表演啦!

Coffee 說...

Arm︰

分別在地鐡那些是非本人選擇要睇的。

攞你命三千 說...

唔使怕醜喎~
呢d野十套有十套都唔入肉的

Coffee 說...

三千︰

唔係怕醜的問題,是不能共賞。

匿名 說...

iphone的PPTV也可以下載後隨時收看架! "離線緩存"就是下載了! ^^

mimi

Coffee 說...

mimi︰

原來如此!我剛轉告了我同事,開心死佢了。

另,知唔知 ipad 2 可否看到pptv等等內地視頻?又是否有"離線緩存"下載?

火女 說...

謝謝你MIMI! 原來IPhone都可以DL既!!

開心死我了~!! XD

匿名 說...

說得我心癢癢喇~我愛綠綠

Coffee 說...

綠綠︰

你來喇:)
真的不錯,我還很喜歡。

Related Posts Plugin for WordPress, Blogger...