2012年2月22日星期三

一件小事

今天早上地鐡車廂,一父親帶著讀幼稚園的女兒站在我身旁。父親在閱報,女兒單手抓柱慢慢在轉圈。轉到我這邊時,女孩另一隻手輕撞下我的手袋。父女在我的左手邊,我見右邊還有些空位,便向右移了一小步。女孩繼續繞柱慢轉,轉到我這邊時,另一隻手再次輕撞下我的手袋,於是我再次向右邊移一小步,係呀,接著是第三次,第四次,我已向右移了很多,係幾乎移到另一條柱的後面了,移動得右邊有乘客要轉頭望下我在幹甚麼。我打量過左手邊,女孩該有足夠空間去轉而不會撞到我了。但第五次,小女孩第五次用手撞我的手袋。平日自認愛小孩的我終於忍不住以不滿的眼神望下左邊的父女,父親也終於發現了女兒無心之下的小小惡作劇。父親俯身向女兒低語一番,我方可安然乘車。

事後我想了很多,小女孩只是將人類總是不知不覺找尋底線的天性演繹了出來。

 

14 則留言:

攞你命三千 說...

"嗚嗚姨姨唔同我玩,仲要怒啤爸b!!"

Coffee 說...

三千︰

哈哈!當時有個坐係度嘅乘客一路望住,我未怒睥(其實無)前佢已向佢身邊人耳語,然後那二人都望住個女孩子。

佛爺 說...

小孩的腦部,未發展到認知道周遭的環境的。

卡臣 說...

小孩跌到,如果無人發現,自己起返身,有人見到,即哭解困

五珍 (Jan Ng) 說...

百厭啫,下次可以直接跟她說。

熱血艾德 說...

你d脾氣都幾好

Coffee 說...

佛爺︰

所以我才推說是人尋找底線的天性。
就如小孩會不斷有些頑皮嘢,測試父母。

Coffee 說...

卡臣︰

做人父母有時要恨下心腸。

Coffee 說...

五珍︰

一般有父母同在場的,我會讓孩子父母去出聲。

Coffee 說...

艾德︰

唔,真係令我生氣的事少之有少。

Armadillo 說...

其實喺公眾場所,家長係有責任睇住啲小朋友。不過我見好多父母都由得啲係路喺酒樓或者地鐵玩到癲晒,如果出咗意外,又算唔算疏忽照顧呢?

Coffee 說...

Arm︰

係呀!我都見,有啲家長可能與子長期作戰下累透了,於是便隻眼開隻眼閉。

Ebenezer 說...

香港地d女仔係好鐘意撩人架,忍下算啦。

Coffee 說...

Eben︰

細路女轉去嗰邊就撞下佢爸,轉嚟我呢邊時就撞下我個包包,似係搵一種平衡感覺。

Related Posts Plugin for WordPress, Blogger...