畫班團年飯

今晚是畫班團年飯。

上到畫室，老師已為每位同學即席揮毫了一張「年年有餘」揮春。接著老師改好同學上一堂的功課畫稿，跟住係教畫另一幅「年年有餘」，剛教完，已有同學按捺不住，話執嘢喇，執嘢喇，去食團年飯啦！
下！唔使執喎，啲用具根本都未曾攤開。我見枱上仍有揮春紙，請老師幫我畫幅「竹報平安」。

我怕繼續長胖，吃得很少，但就破天荒飲了些酒！自覺臉微微泛紅，我沈默著，恍惚著，微醉著看同學們談笑風生。突然聽到有人問，你去唔去同老師拜年，哦，唔去喇！我可能會離港度歲。咁，24號免費自助午餐去唔去呀？哦，24號我返緊工，都唔去喇，覺得自己的說話輕飄飄，彷彿是別人在說。約過了二十分鐘，酒意過，自覺臉上紅潮悄然退下。

然後，我的靈魂回來了。