恆生信用卡明日到期繳費，看下啲須繳費項目，其中有一項是$800年費，我就諗︰打電話去問下，如果唔免我年費，那我就取消這張卡。
我無法打通這個電話！全部都是錄音電話服務選項，轉來轉去都轉不出那死胡同！之前的經驗係轉下轉下就會有人接聽架，我無計可施，轉去報失信用卡條線，接通了，職員竟然第一句就話︰唔好意思呀！請你留低電話，有關同事會盡快覆你。因我趕住去工作，沒再費唇舌，留下電話號碼等佢哋覆，但我心在詫異︰此為報失熱線，焉知人客不是報失信用卡！
放工途中，思量起信用卡的利弊
利︰購物方便，不用帶太多現金在身；久唔久有商品店舖優惠。
弊︰用錢方便即等如方便浪費；成日要記住找卡數，偏偏我常常過期才記起；無啦啦多咗信用卡月結單要處理。
想到一位高薪朋友，竟然不使用信用卡！開頭覺得有點兒匪夷所思，宜家當自己一而再，再而三感受到因信用卡演繹出來的不便時，我恍然簡單才是生活的本來面目，而不受物質困擾才是真正的簡單，不是我看簡約線條美那種簡單！
活出這生活智慧真不容易！
回家前入Circle K，記起之前抽到張免費雪糕，拿出來一看，噢，已過期(3/2)，嘿嘿！
走到雜誌前瞄下八卦週刊封面，仍見到陳XX！如果當初我曾相信這人愛過女富豪的話，如今這想法是煙消雲散了。
10 則留言:
我多年冇用過信用卡了，無謂買無謂嘢。買價高物時，找有信用卡的阿狗，互相監察，年中省回不少。
我去取消信用卡也不易，銀行職員死纏難打，叫我保留。唉！
唔知「電話迷宮」是香港獨有? 還是世界其他地方也有?
風月︰原來妳也是無卡人士！
佛爺︰深有同感呀！我宜家諗緊慢慢取消啲信用卡，留番一、二張傍下身就算喇。
卡臣︰打電話打到忟，真係好無謂，你問得好呀，唔知係咪香港特色？
卡臣真係形容得貼切嘞，「電話迷宮」！有時真係忟到想打人架！
xiao zhu︰你好！歡迎光臨！
香港太多「電話迷宮」喇，我昨日早上行一次電訊迷宮，下午再行銀行迷宮時，真係俾你講中︰忟到想打人呀！
我就覺得必要有最少一張信用卡傍身，信用卡連提款卡，平時可以提款，但就唔好倚賴簽卡，我真係試過唔夠現錢，好彩有信用卡簽卡結帳架。
Maisy︰謝謝留言！
我都打算cut剩二張連提款卡的信用卡就得了，無卡係好唔方便，但有就要好有自制力。
發佈留言