寫揮春

接近放工時，虹打來提我今晚記得返書法班，嘿，實不相瞞，我已連續三堂無返了。:p
我連聲說︰哦，得！得！今晚一定返！

水墨畫很得我心，寫意風格相對隨意，不像寫書法，點、橫、撇、捺每一筆都有寫法講究，對我而言，很不習慣。平日有時擺出紙筆諗住練字，但最終寫唔夠幾隻字，又變成畫畫，我相信這也是一種與生俱來。

一返到書法班，有同學小聲呼叫，老師笑臉揶揄︰我以為你失咗蹤！虹招呼我坐她隔離，然後靜靜遞過一本書畫集給我，然後還再遞來一張老師寫的字畫，說︰老師送的，收好呀！我唯唯諾諾，忙不迭收起，並小聲自我打趣道︰老師獎勵我這日後勤力的學生！

今晚寫揮春，有熱心同學一早買了紅紙，分派了一些給我寫，我又係，嘿嘿，睇別人寫。有個中學生跟老師學書法有四、五年了，寫得很好，虹亦學了一年有多，總算寫得似模似樣，我麻，為咗唔浪費紅紙，寫揮春變咗請老師寫揮春。

看我收穫甚豐︰

這是另一位書法老師所寫的揮春