2009年10月27日星期二

地鐡恨事

今日放工搭地鐡時,右手邊果個男人勁乞人憎,都唔知係米真係眼瞓成咁,幾次挨撞過來,我側眼瞄下見佢中眼瞓,於是我靠盡我左手玻璃果邊,果個死男人依然久唔久撞一下過來,最後撞一下勁大力,我嬲爆!側眼怒睥,但又無計,唯有企起身唔坐了。跟住一個男人坐去果個位,我仍然怒睥住,嘩,我見佢微睜眼一下,之後佢無再挨撞隔離了,仲唔係衰人?!

諗起之前有次又係搭地鐡,有個爸爸抱住個女,成個人挨住晒,我起初諗佢湊女辛苦,很定很攰,點知我聽見亞女問佢嘢,佢竟然可以很清晰回答,咁即係唔係累到瞓著啦!我又係嬲到即刻起身,唔坐了!

唉,我係阿婆來架!

女人,只會和自己喜歡的人有身體接觸,否則,即使是挨撞下,亦是討厭的令人不適的。

2 則留言:

笑談風月 說...

女人,只會和自己喜歡的人有身體接觸,否則,即使是挨撞下,亦是討厭的令人不適的。

100*100%同意!
我遇上這種情況,我會開口警告他,下次你不要再忍,他們不能放過的,這種衰男人通常很窩囊廢,不用怕。

Coffee n Tea 說...

風月︰好多時諗住人哋可能無意的,等到覺得唔對路時,又諗住多一事不如少一事,特別是公共場所。唉,我是只和相熟的人一起才嘴gelgel的。

Related Posts Plugin for WordPress, Blogger...