2013年3月5日星期二

第一次學醃鹹柑桔

第一次學腌鹹柑桔,還要是凌晨一點的事,因為晚飯後收拾妥善時,雙眼很澀,想著小休一會,誰知一睡就睡了幾小時,醒來時真有不知今夕是何年的感覺。精神睡回來了,適才鋪了一飯桌待腌的柑桔有兩種命運,一是明天腌,這樣就要將柑桔放回籃子,但放回籃子也是工夫,不如就腌了罷,凌晨就凌晨。

上星期天尋了些柑桔回來,因做園藝的朋友之前已洗乾淨並風乾過了,所以可以直接入樽腌。放工時買了兩包粗鹽,一磅裝的,但原來共兩磅鹽都不是很足夠,如圖示一樽要足足用一包鹽都還差一點點哩。於是我想這多鹹呀,到底是否有益健康呢,但這是坊間趨之若鶩的下火良方,民間智慧呀!

忘記問了,腌好後是否要放入雪櫃呢?明天還要在樽蓋面寫上日期,因為這都是最少要腌上三、五、七年的,且越久越好功效,不誇張喔,有朋友在女兒出世時腌下一樽待女兒出嫁時做嫁妝,所以不寫上日期的話,轉眼就不知猴年馬月了,尤其現在的日子過得很快呀!





9 則留言:

Hana 說...

不用放冰箱的,常温就可以了,关键是不能开盖。我08年腌的到现在也才是啡色吖!真的要很久才会变黑。

Coffee 說...

Hana︰

謝謝!不用放冰箱,那好啲,不能開蓋,但我仲諗住今晚再買鹽,因其中一樽不夠鹽鋪最面層呀!

我都依稀記得你有貼過自家鹹柑桔的文。

Hana 說...

你今晚再開加鹽應該冇問題嘅,柑桔啲水都仲未出來。我出門前特登去望咗下樽咸柑桔,面頭層鹽仲未化吖!下面啲色只不過係淺啡色。

我有朋友送過幾樽40年嘅畀我,係完全黑色的,啲汁都係黑色!加啲蜜糖沖水飲,好好好味㗎!喉嚨痛沖兩粒飲即刻見效。

記住要擺係陰涼地方避免見陽光。

Coffee 說...

Hana︰

咁我照加鹽,然後放埋一、二邊,都簡單。

08至今都四年有多,啲鹽都未化晒,嘩!四十年的好難有架,諗下,四十年前就識腌柑桔,仲要留到咁耐至勁呀!

DeepC 說...

放了幾年面那些鹽都未溶, 多是鹽的比例過多.
鹹柑桔的鹽能夠溶是吸收了柑桔的水份.
不過唔溶都無緊要, 一樣吃得落肚.

Coffee 說...

DeepC︰

以前我很不屑這東西,認為唔健康,後來才知是好嘢!

Hana 說...

Deep C:原來係鹽太多,依加先來整走啲得唔得呢?thx!

DeepC 說...

Hana,

你同一批有多少瓶呢? 如果超過一瓶而有些瓶的汁比較多, 你可以換個大瓶, 將佢地倒埋一齊, 等鹽溶掉先看看要不要分瓶.

假如只得一瓶, 也放了很久, 將面那層鹽取走些也是好方法, 又或輕力攪動一下, 等面層的鹽沉些落底, 可以幫助溶多一點.

不過唔好成日開瓶, 因為鹽可以吸引空氣的水氣, 尤其時春夏季日子, 到時就唔係純柑汁. :)

Hana 說...

得一瓶咋!唔該哂!

Related Posts Plugin for WordPress, Blogger...