2013年3月6日星期三

安心寫博

說我的電腦未更新 flash player,無法繼續玩 candy crush,我去更新了,又再說我用 google chrome 是預載了  flash player 的,但可能已預設停止使用,如要怎麼怎麼,就依指示做,之後見到一堆指令,那些指令分明是特工暗語,分開看每個字都認識,連成一句就比哥德巴赫猜想還弔詭,不要問我甚麼是哥德巴赫猜想,我知的話至少都可以去做特務,是不!妖,打緊272關,還差兩、三關就進入另一區吖嘛,今晚!

好罷,安心寫下博,咦,不行,還要說多幾句,明明人家打 candy crush 打到有點「神級」的境界,在俺的面書排行榜穩守前三名,近三幾日排上了第一添,有一位幾乎未有過對話的同事,但我們是面書朋友,我們倆叮噹碼頭,原本佢領先,但一星期來我連超佢幾日了,現在,我不得不單方便宣佈暫停比賽,即時生效!

好,真係安心寫博了。又是進入新季商舖清理上季貨尾的時候,我買了衫裙鞋子,全部半價折扣以上,其中有對鞋原價六百,現減價賣一百五十,頂,貪平呀,唔知會唔會著到在街頭掉下鞋跟。講開掉鞋跟,之前見一女生真係行下行下,一隻鞋跟脫落了,是高跟的,如果是你,你會點處理?只見那女生順手掹埋另一隻鞋跟出來 ( 好化學呀,驚! ),扔去垃圾桶,變成一雙平底鞋,昂首闊步走了。當時那一幕讓我看傻了眼,忍不住笑了出來。

嗯,寫完。

6 則留言:

卡臣 說...

那女孩好豪邁喎

DeepC 說...

唔係貴鞋的話, 我都會咁做的.
如果唔係咁, 點行? 除非有人選唔著鞋, 呵呵

佛爺 說...

哈哈!笑鬼死我,高跟鞋變成了單鏡反光相機,可以隨時拆鏡頭.

Coffee 說...

卡臣︰

哈哈,不過唔係可以點呢!

Coffee 說...

DeepC︰

女生遇到這些狼狽事時真係唔知點算好,見過有人隻鞋踭踩咗入一啲隙位,一時之間走不出,出大力又可能連踭都冇埋。

又,麻煩你去我上篇醃柑桔睇下留言呀,Hana有嘢問你,其實我亦都想知,謝謝你!

Coffee 說...

佛爺︰

哈哈,我當時第一反應係即刻望下自己隻鞋踭,希望唔好咁兒戲囉!

Related Posts Plugin for WordPress, Blogger...