2013年3月19日星期二

明天會更好

今日有個同事經過時,突然說,你就好啦!三百幾!一時之間未領會過來,噢,原來講緊Candy。同事話她朋友說她朋友好勁,打到二百五十幾關,同事即回應,你朋友夠我同事勁?打到三百幾關啦!同事朋友問係咪用好多錢買魔法糖過關呀?因為二百幾已難到根本打唔過。同事答她朋友,我睇她不是用錢買魔法的人。我說你真了解我!接著問我儲存了多少條命,(解釋︰手機版只要不打開信件,可以儲存所謂的命。)我說手機版只去到二百四十五關,所以只可在電腦玩,我只是用自己的命,不叫人send命。同事驚訝用自己命都打到三百幾關,我說用自己命都夠啦,一來又不是太得閒成日打,同事說,你打到三百幾關,仲唔係太得閒!

放工落大雨,經過賣涼果糖子的舖時,見老闆娘在賣雨傘。兩大男人在議價,事頭婆,同你買兩把,六十蚊兩把啦!唔得,無得講價。你見落雨先唔減價,平日買肯定可以平啲啦!咁你哋好天時候先嚟買囉!

中途太大雨,不得不停下來等雨小些才走。遲放工的玉菲趕上來了。唔走?太大雨,對鞋會報廢。玉菲說佢要走啦,再不走,佢對鞋可能會被水浸蝕,要快快回去搞搞對鞋。嗯,原來大家都只關心對鞋。

近日發生一連串不好的事,心底至今仍有揮之不去的陰霾,這個城市戾氣太重,怨念太深了。希望每個人都發放多些正能量出來,所謂邪不能勝正,相信明天會更好。







6 則留言:

DeepC 說...

那位老闆娘真好口才.

係啦, 希望明天會更好, 大家都多點向正面看, 什麼事也可以改善. :)

卡臣 說...

明天會更好吧!

Coffee 說...

DeepC︰

我都係咁認為,很佩服睿智的人。

Coffee 說...

卡臣︰

相信!

Ebenezer 說...

希望「春分」之後,真的大地回春吧!

Coffee 說...

Eben︰

承你貴言!

Related Posts Plugin for WordPress, Blogger...