2013年1月28日星期一

買家居電話

家居電話是N年前唔記得因乜事得到的贈品,是個室內無線電話,近日壞了。

諗住呢啲細雞嘢,於是走去日本城睇,但貨架上擺放出來的家居電話不多,跟住行去CMK,感覺上覺得張毛記個名都係賣小件貨物居多,怕且都平過豐澤罷。

近年來家居電話已變得可有可無,睇而家甚麼申請呀,甚麼填表呀,好多時都只填寫手機號碼就行了。所以揀了一個差不多最平的,一來室內無線電話不是複雜的電器,加上又不是住得很僻遠,無需咁強大的接收功能。

取出銀包,準備俾錢,嗱嗱嗱,餐餐都係咁嘅。嗰個 sales 後生中女在收我錢前,向我推銷同是樂聲的另一款,正在做減價優惠,原價四百幾,現賣三百幾,平了一百多元,比我揀的那個貴五十元左右,但功能多啲接收強啲。我問點解剩係呢款電話減價,佢有答,但已唔記得佢講咩了。其實基本上在我已決定了,攞緊錢出來時,佢又突然向我推銷呢款減價電話時,佢就已經做唔到我生意了,因為我會覺得之前擾攘一輪,阿 sales 後生中女都還唔知我想要啲乜,既然佢唔知我想要甚麼,又如何介紹合適的產品呢,我不信任她了。

諗住細雞嘢唔去豐澤,最後都係去了豐澤。哈,一看,剛才推銷給我的那款,在豐澤再平多三十元,那刻我相信該是刻意減價傾銷,該是不大好用的產品罷。盯著那電話,和其他相比較,終於俾我發現,最大的敗筆在顯示屏太細,難怪促銷,嘿嘿!

在豐澤職員解說下,我放棄初衷,不揀單機,買了室內無線雙機,盛惠四百元。

6 則留言:

卡臣 說...

妳是否操普通話?否則無SALES會理妳

韻味熊貓 說...

宜家好少單機,通常都是子母機架喇!

Coffee 說...

卡臣︰

哈哈,睇嚟我嗰區仍未失守,不過遲下可能真係要。

Coffee 說...

佛爺︰

可以一拖四添。

起初我以為一個電話用緊,另一個可以同時「偷聽」,原來係唔得嘅!R跟同學傾電話傾到爆分鐘,呢部主要都係佢用。

DeepC 說...

唔看多幾間先買?

Coffee 說...

DeepC︰

我好懶行街,壞一樣買一樣。

Related Posts Plugin for WordPress, Blogger...