2013年1月2日星期三

無言


早了放工,地鐡車廂未至於人迫人,我坐著,而呢位小伙子企到埋一埋,手上的膠袋已半放在我膝頭上,我縮無可縮了,但佢竟然完全不察覺。本來想開聲示意年青人站開少少,但這時對面有人讓位給一位抱嬰阿婆,阿婆邊坐下邊大大聲教個襁褓中的嬰孩︰你大咗要識讓位俾老人家呀!知唔知呀?

我思量可能剛才阿婆站了一會才有人讓位,而我因一直低頭玩手機及留神著身旁這個越站越挨過來的年青人,所以沒留意阿婆是否站了一會,但聽得出阿婆的語氣是除了感謝那人讓了位給她,還帶著不高興在車廂說教。

有見及此,我都是保持緘默算了。



8 則留言:

卡臣 說...

近排多咗見到人肯讓座,可喜!

佛爺 說...

有時阿婆說話的語氣很重。

Coffee 說...

卡臣︰

一時時乍!

Coffee 說...

佛爺︰

有時阿婆鍾意鬧人,哈哈:p

五珍 說...

你輕輕拍他,示意他移開膠袋,應該是沒問題的。

Coffee 說...

五珍︰

佢膠袋放在我左膝頭上,但佢個人企下企下,企在我右腳邊上了!幾乎..,起初想開聲︰想點呀!

聽完阿婆講嘢,我唔想開口了,便郁了幾次,直到佢企開少少!

DeepC 說...

我媽由細到大都教我讓坐, 基本上如果不是病及及累到不得了, 見到長者或有需要的人都會讓比佢地. 我由細到大都見到其他人讓坐, 其實好多人都咁做, 只是很多時沒多人留意或在意吧.不知那時開始, 坐讓變了稀奇事.

不過, 有一點又想提下, 其實很多長者不喜歡別人讓坐, 因為他們有些體力不錯的, 不需要別人付出或同情.

Coffee 說...

DeepC︰

我都覺得唔知幾時起,讓座變得有點稀奇了。至於有很多長者不喜歡別人讓座,或者唔想認同自己老了吧。
有一次見一微隆起肚的女士,第一反應係佢懷孕了,即刻讓位給她,但她不肯坐,於是我都唔知自己有冇弄錯,如果弄錯了,都一定令那女士好尷尬。

Related Posts Plugin for WordPress, Blogger...