2013年1月13日星期日

打機對白

我坐在沙發沉迷在Candy Crush中,R見狀問我在幹甚麼?我答曰過緊關,這第三十五大關搞了兩日都過唔到。R行過來觀望,然後說,哩啲關好難過架,要你買魔法,有咗遊戲魔法,你就好容易過關。我仍低著頭,問,真係用錢買定係詐家依買架?R不屑曰,邊個得閒同你詐家依買,真金白銀用信用卡登記買架!我呆了呆,下!玩遊戲玩到用錢買魔法?

R︰大把人用錢買啦,用少少錢你可以勁好多喎!
我︰呢樣少少錢嗰樣又少少錢,邊有咁多少少錢!錢要用在當用的地方。
R︰你食少一盒朱古力已OK啦!
我︰所以我再供養唔起多樣嗜好,做人要知慳識儉,而且打機最好玩的地方就是過關,太容易沒了挑戰唔好玩。
R︰咁你可能打到地老天荒都打唔完。( 哈,又係呢句,我鍾意!)

過不了這第三十五關唔緊要,我可以地老天荒玩落下,直到乏味便作罷。

6 則留言:

卡臣 說...

DRAW SOMETHING 曾經令我沉迷

Coffee 說...

卡臣︰

我DRAW過一日便唔想DRAW了:P

佛爺 說...

我都無諗過打機要比錢.我以前買幾份雜誌,宜家都費事,互聯網大把免費資訊.

Coffee 說...

佛爺︰

一模一樣,我以前訂報紙訂了幾年,而家唔喇,仲有小說都係網上睇電子版,唯一係對眼唔舒服。

五珍 說...

天荒地老好呀,長打長有。

Coffee 說...

五珍︰

說得好,我過了三十五關,目前打第四十八關,開始放慢嚟玩了。

Related Posts Plugin for WordPress, Blogger...