2013年1月11日星期五

相處愉快

玉菲昨天今天同一個問題問了三次,就係,係唔係靚女辦起事嚟方便啲,靚女係唔係多著數啲?肥力答,梗係啦!玉菲再問,係咪靚女做錯事會得到原諒多啲?肥力話,何止原諒,幫佢做過都得。玉菲還繼續問,咁女仔樣靚緊要啲定係身材好緊要的?

無良心的我們突然記起前些日子,玉菲說約了個男仔,但近日冇晒下文。

玉菲個子矮小長得算不上漂亮,但認識她越久越覺得她很可愛,我們曾經想撮合肥力同玉菲,但常自認靚仔的肥力說他比較膚淺,如果沒有外在美,他沒有興趣去知佢有咩內在美。

今日食砵仔糕時,肥力發現誤用玉菲用過的竹籤後呱呱叫,A不知我和菜菜子曾想撮合他倆的事,衝口而出,不如你兩個試下拍住拖先啦!肥力即 Say No!只見玉菲的臉色一沉。

有見及此我趕忙搵第樣嘢嚟講,說早上返工見到 IT 部門的某女同事,問我食咩早餐,我說開麥皮加點餅乾,因為怕肥。玉菲話好犀利呀,佢咁 Cool,都同你傾計,玉菲咁講我真係始料不及,所以當她在說笑。我再說,佢話我唔肥,都幾瘦。肥力在口齒上的反應總是快人一步,說證明呢位同事唔單止有社交障礙,仲講大話。我妖了佢一聲,想點呀!


2 則留言:

卡臣 說...

呢排我嘗試生果作早餐,唔知可以維持幾耐?

Coffee 說...

卡臣︰

據說早上空腹時食生果非常好的,能堅持幾耐算幾耐,好過唔做。

Related Posts Plugin for WordPress, Blogger...