2012年3月2日星期五

喂!走快啲啦!

話說昨天八條友浩浩蕩蕩去銅鑼灣某間萬寧換免費禮品,一下巴士,有人已一馬當先,三幾步便將我等路痴拋開好幾個身位,惟有急起腳追呀追。這時阿菜菜子驚訝,哎呀!點解條街咁多人嘅?係咪個個都收工,去緊排隊呀?張小姐快人快語回應,嗨,條街幾時都咁多人架啦!突然一貌似剛下班的OL在我們身邊走過,走得好快,過晒我哋頭。喂呀!咩事呀?嗰個人做咩跑呀?有人跑緊去呀,我哋都走快啲啦。阿菜菜子眼尖,唔係,佢手上冇拎住張 Coupon 。嗰張  Coupon 梗係放係手袋啦,唔通拎住通街走咩!菜菜子舉起右手,原來佢真係一路拎住張 Coupon 。唔得喇!唔得喇!瘦削嘅 May May 一手扯著我左手,然後我哋二條友係熙來攘往的老銅街頭笑彎了腰,梨花帶淚手捂肚子,幾乎再邁不開步子。只見張小姐真係走得超快,有同嗰個 OL 搶快之嫌,菜菜子同 Jo 緊追在後。然後,然後,發現嗰個 OL 係去追小巴的。

去到一看,原來我們是在前三十名以內,離二百份禮物還差得遠呢。排隊等候的途中,不虞有職員拍照,嚇死我們了,菜菜子懷疑自己被攝入鏡頭,驚魂未定,我們捉挾送上︰恭喜小姐成為永久廣告代言人,產品即將在各大化妝品公司上架,邊上附有人頭湧湧的照片,寫著熱賣中!



17 則留言:

壽頭一塊 (狗鵬) 說...

「把Coupon拿出來那叫本能,把免費禮品換回去才叫本事」

壽頭一塊 (狗鵬) 說...

係咩?

Coffee 說...

阿鵬︰

係喇,我認同女人係呢方面嘅本能較強,不過昨天我們見到都有男人自己一人在排。

壽頭一塊 (狗鵬) 說...

免費禮品係咩黎架?

其實我係讚你有本事...

Coffee 說...

係二盒洗面奶,你讚我有本事,嗚嗚...去排隊攞免費禮物的本事:p

五珍 (Jan Ng) 說...

恭喜你成為代言人,犀利﹗果然有這樣的能耐。

路漫漫其修遠兮 說...

果然見7隻免費禮品手, 連同揸機的合共8人, 非常強大的陣容. 我也拿過試用裝的免費護膚產品, 男士做這事情真有點尷尬.

壽頭一塊 (狗鵬) 說...

排隊係香港 至富之路 你看 Lady GaGa 演唱會門票
係好本事

卡臣 說...

妳出名了!

Coffee 說...

五珍︰

冇咁嘅事呀,打死唔制。

Coffee 說...

阿路︰

揸機嘅係我,我另一隻手都有影到,反而是角度未就好,有一份只影到少少。

Coffee 說...

阿鵬︰

人哋 Lady GaGa 係被人排隊嘅。

不過排隊炒賣又的確係香港一條搵食之路。

Coffee 說...

卡臣︰

沒有的事。

佛爺 說...

睇相以為係雪糕!

Coffee 說...

佛爺︰

係好似雪糕喎。

SKII 說...

個廣告幾時丶邊度有得睇呀?

另,你知唔知點解而家留主冇得 subscribe 嘅?我果邊都係咁呀。

Coffee 說...

SKII︰

哎呀!個廣告係我杜撰的:p

>>留主冇得 subscribe

唔係好明呀,即係...

Related Posts Plugin for WordPress, Blogger...