2012年3月5日星期一

好好反省

是日驚蟄,我除了在地鐡連打了二個噴嚏外,沒有察覺其他的異樣。不過,今天一整天我都在嚴肅反省中,自己是個極易騙的人?還是外表極傻下傻下的?要不是,昨天店主姐姐為何賣一條踩踭位爛咗少少的 Legging 給我,說是最後一條了,還懶好人打個折畀我。回家後試穿時發現踩踭位有個小洞,會被撐成大洞的小洞。甚麼 Legging 一經出門,恕不退換!甚麼特價貨品,請檢查清楚,出門後不退換。去,去,一邊去!害我還要重新換上去街衫。

一路上想好了如何恨恨的表達我的不滿,希望店主姐姐爽手啲讓我更換,雖說理直氣壯,但免不了有些不自在。去到那舖子,嘿,店主姐姐不在,太好了!因為沒有收據,一名替班的兼職問我之前掛在邊個位置,我指給她看時,同時亦看到已掛了一條一模一樣的黑寶藍色在那裏,該是新的呢!甚麼最後一條,大話到呀!使唔使咁快呀就掛過條出嚟呀!然後兼職姐姐告訴另一位店員,轉告我話踩踭位有個小洞要求更換,她們居然睇都唔睇邊度有小洞就換了條新的給我,好明顯一早已知那條 Legging 是有問題的。真是 T M D !幸好,就如曾有二個以上的算命先生在我幼年時批過我,命中有月德貴人,未至於造成近一百元的損失。嗯,反省完畢。


16 則留言:

卡臣 說...

有貴人唔使驚

l.minor 說...

咁粗口?

佛爺 說...

我都比人話最後一件呃得多!

Coffee 說...

卡臣︰

貴人有時都唔夠小人勁架!

Coffee 說...

Minor︰

No lar! T M D means 甜蜜的,嘻嘻:p

Coffee 說...

佛爺︰

爛咗嘅扮最後一件,好衰咯!有啲舖唔認數架,話明明你自己睇過,係你自己試穿整爛嘅。

Ebenezer 說...

踩踭位有個小洞?用嚟打過小人?

Coffee 說...

Eben︰

打小人唔係狼到渣都冇得剩咩:)

壽頭一塊 (狗鵬) 說...

幸好,就如曾有二個以上的算命先生在我幼年時批過我,命中係儉德美人

Coffee 說...

阿鵬︰

節儉都勉強係嘅,但美人就說不上了(嗚嗚...)

DeepC 說...

佢咁做生意法, 好短視, 想做好店譽都難~

Coffee 說...

DeepC︰

係咯!入去的個個都話晒係少少熟客,二、三十元的都話算了,買得你成百元一條的梗係因為有要求啦。

攞你命三千 說...

小心行事就唔使爆粗~

Coffee 說...

三千︰

我從未爆過粗。

五珍 (Jan Ng) 說...

下次入呢啲黑店要小心啲,最好唔好再幫襯。

Coffee 說...

五珍︰

如果幫襯都要火眼金精:)

Related Posts Plugin for WordPress, Blogger...