2012年3月8日星期四

護髮

關於頭髮。

那天到維特健靈幫深圳朋友買嘢,見店舖全是補這樣護那樣的保健藥品,於是順便問有咩食咗補頭髮的。我見職員介紹的產品,成分主要都是製何首烏,我想到就算說補頭髮是保健品,但總脫不了也是藥品的干係罷,而食藥始終不好。於是,我到「樓上」買了二包製何首烏,依「樓上」資深職員所教,加入蓮子、杞子、桂圓煲水飲。在「樓上」買的製何首鳥很薄片,容易煲出味,大半粒鐘便可以了,但日日煲的話,也是一件很麻煩的事,所以別人家的藥丸子好賣是有道理的。這東西我相信是日日飲才有效用,而且是持久戰,不過要我日日煲的話我才不要呢。於是我改為用保溫杯焗製何首鳥水,每日早上回到辦公室焗上一杯,下午三、四點時飲,已經很出味了。順帶一提,每回打開保溫杯,一陣何首烏的暗香撲鼻而來,很醒神,而這個香味反而在用煲的方法時是沒有的,該是煲時已隨水沸騰跑掉了罷。其實還可以將桂圓加入一同焗的,這樣焗出來的水除了有何首烏的香還有桂圓的甜,實為相得益彰,只是我一直忘記將桂圓帶回辦公室。



這是今晚煲的,不加糖,桂圓杞子本身有甜味。

  

10 則留言:

卡臣 說...

脫髮? 男士大忌

Coffee 說...

卡臣︰

女人都忌架。
我覺得自己做得負離子多,好傷髮,所以我決定唔再做負離子了。

佛爺 說...

我再補頭髮,會變了猩猩!嘻嘻!

五珍 (Jan Ng) 說...

好補喎,會唔會好熱氣?仲有你覺唔覺得飲首烏會好口乾?

Coffee 說...

佛爺︰

熊貓再補髮真係會變猩猩,一係就你本身都毛髮旺盛。

Coffee 說...

五珍︰

我寒底開,所以唔覺燥熱,基本上冇任何反應,包括唔覺口乾,最想知對頭髮的影響又冇咁快知。

DeepC 說...

你的方法很方便呀!
我在公司就唔多心思花在這方面, 有時忙起來, 水也忘記飲. ^^"

laulong 說...

haha, 啱我!

Coffee 說...

DeepC︰

用保溫杯焗真係幾方便架,不過就唔知效用有冇減少。
你工作很忙呢,不過一定一定要有多飲水的習慣,不可忙到唔記得呀!

Coffee 說...

校長︰

我真係覺得頭髮有好咗啲架,你都焗嚟飲下吖。

Related Posts Plugin for WordPress, Blogger...