2011年9月29日星期四

八號風球幹啥了

昨晚十二點上牀睡覺時,已有預感會掛八號風球,因為我家可感受到越來越強的風,特別係洗手間,風聲很強勁,風力是大到我開少少窗戶,都可不斷將窗扇扯開。到十二點我睡時,安全起見,不得不關上窗戶,開冷氣了。

多了一日假期,覺得特別好用,雖然依平日起牀時間醒來後不能好好再入睡,但覺得很無妨,因為家在這裏,牀在這裏,何時想睡,倒頭便睡,多幸福啊!

我不捨得將這幸福平白糟蹋了,於是︰


我先焗了一塊大蕃薯,嗨,我焗蕃薯越來越叻了,這次一TAKE 過完成,不用翻焗,蕃薯很香甜。




然後是焗了一碟飯,用料是冷飯、二隻雞蛋、二片芝士、蕃茄醬、排骨,味道不錯,不過有失誤。你見到面頭那些黑色的,是焦了的芝士片剩餘,中途發現芝士片焦黑時,我已將二片芝士夾出來棄置了。所以日後記得,要用芝士片的話,一係放在食物中間,一係最尾幾分鐘才加入,再不然就千篇一律的用錫紙覆裹好食物。



最後登場的是火龍果甘筍汁,將火龍果果肉放入攪拌機攪粉碎,再加入榨好的甘筍汁攪拌,如是者,一杯很有果肉感的新鮮蔬果汁便喝得了。



  雖然風勢頗強,但這邊的海面倒很平靜。


14 則留言:

Armadillo 說...

排骨、芝士、再加兩隻蛋,碟飯好似唔係咁健康喎!其實可以將碟飯叮熱先,然後再加芝士焗一陣,咁樣應該快好多架!

Ebenezer 說...

嘩!咁正美食,引死我喇。

我又係食麵,又係食公仔麵:(

路漫漫其修遠兮 說...

番薯也是用傳統焗爐焗的嗎? 看照片很成功. 我曾用微波爐焗番薯非常棒, 不過並非每次都那麼成功.

Coffee 說...

Arm︰
第一次焗,是有啲亂嚟,我會參考你講的方法,一定越來越叻!

Coffee 說...

Eben︰
公仔面好好味咯,久唔久食下無妨。

Coffee 說...

阿路︰
用新買那個焗爐,不過焗之前先用微波爐叮過,咩道理我就唔知喇!

路漫漫其修遠兮 說...

轉給妳看我焗的番薯:

http://epeace128.mysinablog.com/index.php?op=ViewArticle&articleId=994170

Coffee 說...

剛去看了,留了言。

SKII 說...

好吸引呀,我都想買個焗爐!

Coffee 說...

買呀!我才發現我太愛焗爐了,對唔多識煮嘢的人真係好好,一邊焗還可一邊做其他事,又唔使睇火記時間,且焗的食物有香味!

佛爺 說...

隻番薯睇落真係好好味!

Coffee 說...

是的,佛爺你冇睇錯!

largeheadboy 說...

個番薯好吸引喎
我尋日食公仔麵咋~

Coffee 說...

哈哈!看來昨天我比你幸福!

Related Posts Plugin for WordPress, Blogger...