2011年9月26日星期一

不要歧視我用毫子

今天放工經過地鐡站恒生時,去問處理毫子的方法,嗱,平日唔覺唔覺積落一堆毫子的網友留意了,一女職員告訴說,每次可免手續費存不超過五百枚的毫子入戶口,超過五百枚就收$50手續費。嗨,點會超過架吖,多咗的話咪分幾次存入咯!職員還說自己預先分好類,即例如一毫歸一毫的一堆,如此帶去任何一間分行(不包括地鐡的),分行有數毫子機,很快的。我聽了覺得甚好,不用再刻意去用那些毫子了。我這裡說的是恒生銀行,不過我想這類服務各大銀行都該是大同小異的吧!

話時話,昨天在百佳排長龍到我畀錢時,我感覺得到後面的人見我數大餅毫子,係用憎恨的目光睥行我後腦的。咩~啫~,點解要歧視我用毫子喎!

 

14 則留言:

路漫漫其修遠兮 說...

原來是這樣.
咩~啫~
妳用的語氣詞夠傳神.

Armadillo 說...

哈哈,你識心靈感應,勁呀!講真喎,排緊隊俾錢嘅時候,如果見到前面嗰個喺度慢慢數神沙,真係會覺得唔耐煩架!其實八達通咁方便,又可以儲積分,點解仲要用現金呢?

卡臣 說...

日日用來搭巴士,半年清哂

Coffee 說...

阿路︰
如果改用「咩~呀~」,效果便不一樣了:)

Coffee 說...

Arm︰
我梗係知啦!之前見前面嗰啲客碌卡,後面已經有不耐煩的聲音!
我最冇耐性就是排隊等付款時,又餐餐都排到條勁多嘢攪的隊!

Coffee 說...

卡臣︰
我有個朋友話有次搭巴士畀多了幾個毫子,個司機竟然有微言!

佛爺 說...

背脊都有心靈感應?勁喎!

Ebenezer 說...

所以話呢,邊個話有錢冇煩惱?!

Coffee 說...

佛爺︰
話時話,感應固有了方向!我才知哩!

Coffee 說...

Eben︰
有錢會煩毫子我都是才知啊!

火女 說...

我都搭巴士架..."多了幾個毫子,個司機竟然有微言"

?!

多左喎...-_-

Coffee 說...

火女︰
呀~!不是多咗銀碼,是既定車資裏多用了毫子,那個司機說︰你入咁多毫子,我好難睇清啱唔啱數喎!

我朋友說她用了一元多未到二元是一、二毫的。

熱血宅男 說...

到銀行換左佢....
香港人無耐性等~~~~

Coffee 說...

宅男︰
係呀!我係打算去銀行存了這堆毫子。

Related Posts Plugin for WordPress, Blogger...