2011年9月5日星期一

如果我有狐臭

今早搭到架還有很多吉位的地鐡,根據以往經驗,不一定要選二旁皆未有人坐的中間位,因為陣間可能二邊都坐來男乘客,於是我揀坐在一女生旁邊位置。下一站,首先衝入嚟一大肥先生,他本來衝去對面一個坐位,眼尾發現我側邊仍有二個位沒有人坐,他即轉身坐嚟我隔離座位,嚴格嚟講,佢坐咗一個半位。

千不該萬不該,大肥先生有狐臭!先聲明,我冇歧視佢架,肥胖本無罪,狐臭更非他所想,但是呢,我受不了這種味咯!我後悔一開初沒有坐在中間位,好似特登留了二個位給他一樣,還有呀,明明佢隔離那邊是個男乘客,大肥先生該坐近男乘客那邊才是嘛!

我收起報紙,開始胡思亂想,假如我有狐臭,我會怎樣呢?聽聞要做手術才可根除,那我一定會選擇根除,我可以接受自己單眼皮、有雀斑、哨牙、平胸、肥嘟嘟,仲有咩?未諗到,但就是接受不了自己有狐臭!當然以上講嗰啲不大討好的天賜特徵,不是一股腦兒同時出現喔!外表特徵如何,一眼已看清楚,但體臭哩家嘢不動聲色突然襲來,真是大煞風景!

 

18 則留言:

陽光的戀人 說...

最近看到一單花邊新聞, 剛結婚的一對男女, 同床後男的發現女的有臭狐, 堅決要離婚. 據說拍拖時男的察覺不到, 是因為女的掩飾得好. 臭狐還可能影響一個人的性格, 以前一位同事因此而有點自卑.

卡臣 說...

夏天加臭狐....極刑

best actor 說...

呢邊有很多體育用的deodorant (除臭劑) ﹐可以減輕汗味﹐飲食習慣和個人衛生也很重要。這是健康問題﹐像咖啡說﹐可以治理。倘若為了這樣便離婚就太可惜了﹐結婚時不是說過禍福與共﹐別說什麼惡疾了。中國人有一句話﹕冤豬頭都有萌鼻菩薩﹐當然可遇不可求。

Coffee 說...

阿路︰
所以話呀,好難頂架,自己都受不了,更何況旁人!應睇下手術是不是可根除,否則真係影響社交,先是自卑,跟住可能自閉添架!

Coffee 說...

卡臣︰
有時都好同情,特別如果女生不幸有臭狐!

Coffee 說...

best actor︰
我都聽聞有啲噴劑噴下會減輕,但好似維持時間不長,如有根治的方法就最好了!

至於離婚那對,俾著我,婚前如果知對方有臭狐,該去不到談婚論嫁的地步了,婚後才知,第一時間是看看可不可根治,或者不太濃烈的還是可接受的,但如果不能根治又勁濃烈的,都幾大考驗呀!

l.minor 說...

今日行運動用品鋪,突然一陣狐味,令我後退三分

嚴明 說...

臭狐是其中一種我無法容忍的氣味,如果發生在我身上,必盡辦法解決。在地鐵裏遇上臭弧,試過下車。至於妳說肥不是罪,以今日醫學角度 (除非是西方血統),肥胖會導致醫療成本上升,就算對家人,也是超重負擔,如此累己累人,怎會不是罪。

Ebenezer 說...

在夏天好多人暈倒,可能唔一定係中暑架!

Coffee 說...

minor︰
哩~嗰個人可能察覺到你避佢:P

Coffee 說...

嚴明︰
我都係咁諗,一定盡法根除。大肥先生不是很勁的味,否則我忍受不了,會起身。
至於你說出肥胖可以是罪,呀~,我要再努力減磅!

Coffee 說...

Eben︰
睇嚟單有酷熱天氣警告都唔夠!

Armadillo 說...

甲嘅蜜糖,可能係乙嘅砒霜!體臭呢家真係好難講架,有人聞到會避開九條街,但係都有人覺得係天下之美味!

Coffee 說...

Arm︰
體味就話啫,狐臭喎!有人接受到?我真係唔認為喇,少少就可能得嘅!

Armadillo 說...

哈哈,口味嘅真係好難講架!就好似榴槤咁,我直頭覺得陣味仲惡頂過臭狐,但係都不知幾多人趨之若鶩!

Coffee 說...

嗰個咪我咯!嗜食榴槤架我!

Unknown 說...

你都幾胡思亂想, 杞人懮天.
不好的,要改!!!

Coffee 說...

宅男︰
係呀!的確常常胡思亂想,但邊得話改就改呀!

Related Posts Plugin for WordPress, Blogger...