2011年5月30日星期一

朋友 (2)

我素來主張情感上的交往,心靈上的溝通,不太喜歡朋友間有繁雜的禮節往來或錢銀瓜葛,怕終歸有一日會墮入因財失義的陷阱,所以我多崇尚與朋友清淡淺唱那種氛圍,總是樂也融融。

很多年前曾有友人向我借過二千元,借時說明某個時間一定還,但那所謂的某個時間到了,並沒有還,再過些時候,我打電話去,初時說就還就還,後來連電話都不接聽了,再之後偶然有一日在街上遇上那友人,在我想喚她時,她假裝看不見我,匆忙往另一方向去了。罷!!二千元買起了一份友情。

記得當年梅姐過身時,傳說陳x春曾向梅借過一百萬,本來這是娛樂花邊新聞,我不會留意的,只因有一日聽收音機,正在訪問陳x春,其中問的就是梅是否曾借一百萬給他,而陳x春竟然沒有否認的說法,反而這樣說︰(大概)人啊,好奇怪,借錢時係認為自己一定會還的,但到咗還得起、有錢還時,唔知點解又唔想還了。
我覺得佢係說出了一小撮借錢人的心態,問題是我們無法在事前知道哪些人是有借有還的君子,然而問得借的又都一定是或親或友,正所謂情義二難全啊!

有朋友同我分享,他說他交友哲學就係不借錢給朋友,借時認乜認物都得,借完叫佢還錢時仲慘過係自己問人借錢,搞到朋友都冇得做,一係借時就當送俾佢了,唔好預佢會還的,咁樣起碼都仲賺到份感激。

那次借二千元給人的壞經驗後,又有一次有友人問我借五千元,話銀行唔夠存款要扣手續費,再有一次有位有銀的友人(當時友人在加拿大)托我借住一萬元給佢老死friend,我均硬著頭皮拒絕了。原來只要開咗個頭拒絕,發現說「不借」並不是想像中咁難。

我不是江湖中人,不懂甚麼江湖救急,我是一過老實日子的尋常人家,有錢會買多個Gucci氹下自己,冇錢用個幾廿元的布袋,亦一樣咁開心。這世間的錢財不是公平分配的,我不羨你有太多比我好的東西,因我知還有很多人在饑餓中,踏實地過好自己的日子便好。

6 則留言:

嚴明 說...

這都是我的傷心往事。說的沒錯,如果是真朋友,理應可仗義疏財,要還,就不夠朋友了。Well then, 那個朋友值多少,就要心中有數了:P

Coffee 說...

嚴明︰
我覺得一般男性比女性講仗義疏財,女性通常較小心眼,不過我都有幫人的愉快經驗,我會再寫。

韻味熊貓 說...

借開有條路,舊債未清,新債更大,根本無諗過要還。

Coffee 說...

佛爺︰
所以不提供養分,便不能滋長。

S 說...

咁大個人,只有一次有朋友問我借錢的經驗。是個男的,從小認識,我好知佢性格,唔係山窮水盡佢唔會開口,我問都冇問點解借咗5仟比佢。雖然信得過佢會還,但冇預佢會還(因為我估佢真係好唔掂),到咗佢原本話還的日子,果然冇還到,但隔咗一段時間,佢自動還返,友情依然在!雖然如此,我唔會係人都借!

Coffee 說...

SKII︰
人嘅際遇有時好難講架,我都有個朋友突然有啲事,我給小小錢朋友當幫忙,一心諗住唔使佢還嘅,但偏偏佢好快還了。

Related Posts Plugin for WordPress, Blogger...