2011年5月6日星期五

聰慧的雪莉

雪莉上月29號的信息,稱買了5月7日的舞台劇(焦媛),我空閒時致電雪莉。

我︰買咗5月7號架,係咪星期五啊?
雪︰係啊!
我︰係咪係XX睇架?
雪︰係啊!你話要近你吖嘛(返工地點)!
我︰梗係要啦!都近你嘛。
雪︰到時我哋再睇下係邊度食嘢吖。
我︰我怕肥啊,唔好去果啲太好味嘅地方喎!
雪︰死女包吖,唔好食哩。
我︰唔食又唔得架,我驚我會餓暈係觀眾席,俾人Tube上網就死得!
雪︰哈哈...到時我會話我唔識你,搭枱一齊坐架咋。
我︰邊個問你啫,唔通我一暈你即刻就攞個咪出來嗌,我唔識佢架! 咁呀,點解坐我另一邊果個人又唔會出聲呢?
雪︰哈哈...唔係唔係,我第一時間將你暈倒時個樣拍落來,賣俾蘋果,收返啲錢,咁咪可以免費睇埸舞台劇咯,嗱,你記住暈靚啲個姿勢啊!
我︰你放心,我練定一個攬住你暈低嘅姿勢!咁我哋著咩衫呢?(大笑ing) 好喇好喇,正經喇,坐邊啊?
雪︰都係最貴果啲位,第三行。
我︰唉!為藝術真係要作好大嘅犧牲,餓體膚灑金錢,仲要冒被Tube嘅危險!
......

昨晚,我開始想下明日星期五(即今晚)睇舞台劇的安排,突然驚醒5月7號該是星期六,速速翻睇雪莉信息,的確係寫5月7號,我急call雪莉問。

...
我︰喂呀!真係想打暈你,星期六唔使返工,去XX睇點近啊!
...

2 則留言:

laulong 說...

haha, 最終還是看了,也沒有暈罷!

Coffee 說...

:))

看了,中間有很多笑位,笑得我有小小暈暈哋!哈哈...

Related Posts Plugin for WordPress, Blogger...