2011年5月16日星期一

R新手機一波三折

今晚下雨,不方便外出運動,又不愛看電視,索性貼多篇文。

R之前賣咗自己部N8,收番二千多元,同今年頭出N8時所補的錢相差無幾。手持二千多元,再加幾百元利是錢,R另出了部行Android的手機。新機開始使用的第二日,下載軟件時手機出現解決不了的技術性問題,依七日換新機原則,換了部新的回來。

誰知呢!他少爺第二日就將新換回來的機弄出狀況(不全關他的事),芒冇事,但芒側邊的金屬邊有一處深陷了入去,及機身回彈力度明顯強咗。擔心部機有咩事,咪死死地氣陪佢去維修睇下保養有咩搞作咯。職員收機時,稱師傅可更新軟件檢查回彈等等,但如果要換金屬邊,則要連芒一起換,換邊、芒盛惠九百元!咁當然唔換啦,雖然R對部新機的邊有一處陷入位很抓狂,但我說有些教訓是不應用錢去令自己遺忘的。

R要去學琴,由我等幾小時幫佢取機。另一職員交機俾我時說︰部機跌過,師傅更新咗軟件,回彈亦檢查過,幫你換咗LCD芒(連金屬邊),你而家Check下部機。

我有好一刻呆呆的,我不明白成件事係點嘅,我冇要求換芒,咩事呢?免費喎,講真,到呢一刻我都未弄清!R見到部「新」機時,當然開心到暈啦!

8 則留言:

l.minor 說...

R說:世上只有媽媽好!

部機係邊間買?衛X?

Coffee 說...

錯晒喇!
R︰你係世上最煩嘅人!

你真想知的話我可mail話你知。

佛爺 說...

咁好免費換芒?

Coffee 說...

係啊!所以我心至今都未踏實,諗唔明咯:)

嚴明 說...

那個品牌? 居然承認是自己品種有問題!

Coffee 說...

部機冇問題,係R被同學仔嚇話背上有隻蜘蛛,佢最驚蜘蛛,所以即時成個人彈起想fing走隻不存在的蜘蛛,令放在褲袋的手機跌出,以致跌陷咗芒側邊的金屬邊,芒冇事是好彩咋!
至於品牌,哎呀,我唔敢係度講,因為佢哋自動幫更換咗芒,但我有啲似走人數一樣。

真想知,我可mail俾你知:)

Ebenezer 說...

我記得先幾年仲未係有咁多人用apple時,如果壞機,好有可能佢地會即刻俾個部全新嘅算數(連修理檢查都費事),但我想,現在應冇咁好喇掛。

BTW,下次妳不如叫佢唔好換芒,而係換部新機俾妳,可能都有可能wor^^

Coffee 說...

未過保養,整唔到或者費事整,很多品牌都會俾部新機,iphone都係,我之前幫深圳朋友訂購的就是這樣,沒有人為損壞過,索性俾過部新iphone佢。
但R部機明顯跌過,所以我點敢要求換新機,無啦啦免費換芒都是敢未想過的:P

Related Posts Plugin for WordPress, Blogger...